धनकुटामा मंशिर १७ देखि मतदाता नामावली संकलन विशेष कार्यक्रम शुरु
धनकुटा । मतदान गर्न योग्य नागरीक मतदान गर्नबाट बञ्चित हुन नदिन निर्वाचन आयोगले मंशिर १७ देखी मतदाता नामावली संकलन विषेश कार्यक्रम शुरु गर्ने भएको छ । जिल्ला निर्वाचन कार्यालयले आज निर्वाचन सरोकारवलाहरुको अन्तरक्रिया कार्यक्रममा मतदाता नामावली संकलन विषेश कार्यक्रम शुरु गर्ने जनाएको हो ।
धनकुटा जिल्लामा दुईचरणमा फोटो सहितको मतदाता नामावली संकलन गरिने जिल्ला निर्वाचन अधिकृत सफल प्रोतेलले जानकारी दिनुभयो । जिल्लाका महालक्ष्मी नगरपालिका , पाख्रिबास नगरपालिका र चौवीसे गाउपालिकामा पहिलो चरणमा मंसिर १७ गतेदेखि र सागुरीगढी गाउपालिका, छथरजोरपाटी गाउपालिका र सहिदभुमी गाउपालिमा देस्रो चरण अन्तरगत मंसिर २८ गतेदेखि फोटो सहितको मतदाता नामावली संकलन गरिने जिल्ला निवार्चन कार्यालयले जनाएको छ ।
धनकुटा नगरपालिकामा भने जिल्ला निर्वाचनको कार्यालय र जिल्ला प्रसाशन कार्यालयबाट नै फोटो सहितको मतदाता नामावली संकलन गरिरहेको कार्यालयले जनाएको छ । धनकुटामा फोटो सहितको मतदाता नामावली संकलन गर्न २० हजार भन्दा बढि नागरीक रहेको कार्यालयको अनुमान छ । हाल जिल्लामा १ लाख १४ हजार ३ सय ८७ मतदाता रहेका छन ।
