पाख्रीबास नगरपालिकामा आजदेखि मतदाता नामावली संकलन हुने
धनकुटा । धनकुटाका स्थानीय तहमा फोटोसहितको मतदाता नामावली संकलन हुने भएको छ । जसअन्तर्गत पाख्रीबास नगरपालिकाका १० वटै वडामा पनि आजदेखि फोटोसहितको मतदाता नामावली संकलन हुंदैछ ।
नपाको वडा १ र २ को मंसिर १७ गते,वडा ३ र ४ को मंसिर १८ गते,वडा ५ र ६ को मंसिर १९ गते,वडा ७ र ८ को मंसिर २० गते र वडा ९ र १० को मंसिर २१ गते साथै छुटफुट भएकाको मात्रै मंसिर २२ गते नपाको कार्यालयमा गरिने नपाका प्रमुख प्रशासकिय अधिकृत डिक बहादुर राईद्वारा हस्ताक्षरित सुचनामा जनाइएको छ ।
मतदाता नामावलीमा भएको त्रुटि सच्याउनु ,ठेगाना सार्न परेमा जिल्ला निर्वाचन कार्यालय धनकुटा जानु पर्ने पनि उल्लेख छ ।
मतदाता नामावलीमा नाम समावेश गर्न सक्कल नागरिकता र नागरिकतामा स्थाई ठेगाना अन्य जिल्लाको भएमा बसाई सराइ प्रमाणपत्र वा विवाह भई आएको अवस्थामा विवाह दर्ता प्रमाणपत्र आवश्यक पर्नेछ ।
धनकुटा जिल्लामा फोटो सहितको मतदाता नामावली संकलन सुरु
धनकुटा । निर्वाचन आयोगले भोलिदेखि फोटो सहितको नामावली संकलन गर्ने भएको छ । सोही अनुसार धनकुटा जिल्लामा पनि फोटो सहितको नामावली संकलनका लागि तयारी गरिएको छ । जिल्लामा दुई चरणमा फोटो सहितको नामावली संकलनका गरिने जिल्ला निर्वाचन कार्यलय धनकुटाले जनाएको छ ।
पहिलो चरण अन्र्तगत भोलिदेखी धनकुटाको महालक्ष्मी नगरपालिका , पाख्रीबास नगरपालिका र चौवीसे गाउपालिकामा फोटो सहितको नामावली संकलन गर्न शूरु गरिदैछ । जसका लागि संकलकहरु केन्द्र केन्द्रमा पुगेको निर्वाचन कार्यलयले जनाएको छ ।
सागुरीगढी गाउपालिका, छथरजोरपाटी गाउपालिका र सहिदभुमी गाउपालिमा देस्रो चरण अन्तरगत मंसिर २८ गतेदेखि संकलन गरिने छ । धनकुटा नगरपालिकामा भने जिल्ला निर्वाचन कार्यालय र जिल्ला प्रसाशन कार्यालयबाट नै फोटो सहितको मतदाता नामावली संकलन गरिरहेको कार्यालयले जनाएको छ ।
धनकुटामा फोटो सहितको मतदाता नामावली संकलन गर्न २० हजार भन्दा बढि नागरीक रहेको कार्यालयको अनुमान छ । हाल जिल्लामा १ लाख १४ हजार ३ सय ८७ मतदाता रहेका छन ।
