छथर जोरपाटीको १० बर्षे शैक्षिक मस्यौदा तयार
नारायण कुमार राई/धनकुटा,१७ मंसिर । छथरजोरपाटी धनकुटाले आउने १० बर्षमा आफ्नो पालिकाको शैक्षिक अबस्था कस्तो हुने भन्ने बिषयमा तयार पारिएको मस्यौदा लेखिन सकेको छ ।
पालिकाले बिहिबार एक ‘१० बर्षे गाउँपालिका स्तरीय शिक्षा योजना मस्यौदा लेखन माथि सरोकारवालाहरुको सुझाव संकलन ’कार्याशाला गोष्ठिको आयोजना गरेर मौस्यौदा लेखनलाई पूर्णता दिएको हो ।
कार्यक्रममा बिद्यालयका प्रधानाध्यापक तथा शिक्षकहरु सम्मिलित १० सदस्यीय मौस्यौदा समितिले तयार पारेको मौस्यौदा समिति संयोजकतथा शिक्षा शाखा प्रमुख निर्मला सुबेदीले प्रस्तुत गर्नुभएको थियो ।
प्रस्तुत मौस्यौदा माथि आएका सुझावहरुलाई थप गरेर परिमाजिर्त योजना कार्यपालिकाको मासिक बैठकले मौस्यौदा पास गर्न आउने गाउँ सभालाई सिफारिस गर्नेछ ।
बैठकले सिफारिस गरिएको उक्त मौस्यौदा गाउँसभाबाट पारित भएपछि शिक्षा नीति तथा कार्यक्रमका रुपमा लागु हुने मौस्यौदा समितिका संयोजक सुबेदीले जानकारी दिनुभयो ।
गाउँपालिकाका अध्यक्ष शेरबहादुर लिम्बूको अध्यक्षतामा भएको उक्त मस्यौदा लेखन सुभाव कार्यक्रममा लेखन समितिका सदस्यहरु,वडा अध्यक्षहरु,बिद्यालय ब्यबस्यापन समितिका अध्यक्ष,शिक्षा समिति सदस्य, गाउँपालिकाका कर्मचारी र सरोकारवालाहरुको उपस्थिति रहेको थियो ।
