को’रोनाको लक्षण देखिएपछि राम माबि,मुगाको पठनपाठन बन्द
धनकुटा । धनकुटाको पाख्रीबास नगरपालिका ७ स्थित राम मावि,मुगामा को’रोना भा’इरस संग मिल्दो(रु’घा,खो’की,ज्व’रो आउने,घॉं’टी दु’ख्ने) जस्तो लक्षणहरु देखा परेपछि विद्यालयको पठपाठन बन्द गरिएको छ ।
आज बसेको बिद्यालय ब्यवस्थापन समितिको निर्णय अनुसार भोलि पुष ६ गतेबाट लागु हुनेगरि ४ दिन बिद्यालयको सम्पूर्ण पठनपाठन लगायत कामकाज बन्द गरिएको छ साथै कोरोनाका लक्षण देखिएका बिद्यार्थीहरुलाई घरमै राखी उपचार गराउन समेत अभिभावकहरुलाई अनुरोध गरिएको छ ।
त्यस बिद्यालयमा कार्यरत शिक्षकको घर परिवारमा सं’क्रमण पुष्टि भएको र सो माविमा अध्ययनरत बिद्यार्थीहरुमा समेत मिल्दो लक्षण देखा परेकोले बिद्यालय बन्द गरिएको साथै बिद्यालयका सम्पूर्ण पठनपाठन पुन: पुष ११ बाट संचालन हुने बिद्यालयका प्रधानाध्यापक मान बहादुर राईद्वारा हस्ताक्षरित सुचनामा जनाइएको छ ।
राजनीतिक र आर्थिक संकटको समाधान निर्वाचन : सुरेन्द्र पाण्डे
कुलप्रसाद काफ्ले/चितवन, ५ पुस । नेकपा (एमाले)का उपाध्यक्ष एवम् पूर्वअर्थमन्त्री सुरेन्द्र पाण्डेले देशको वर्तमान राजनीतिक र आर्थिक संकटको समाधान निर्वाचनबाटै हुने बताएका छन् । सोमबार पत्रकारहरूसँग कुराकानी गर्दै पाण्डेले राजनीतिक र आर्थिक रुपले देशको स्थिति गम्भिर अवस्थामा पुगिसकेको बताए ।
देशको तीनवटै प्रणाली काम गर्न नसक्ने अवस्थामा पुगेको भन्दै उनले वर्तमान संकटको समाधान लोकतान्त्रिक प्रणालीबाट नखोजिए गम्भीर संकट पैदा हुने भन्दै वर्तमान संकटको समाधान निर्वाचनबाटै हुने उनले बताए ।‘कुनै पनि क्षण देशले निर्वाचनतर्फ जान खोजेको हो कि भन्ने देख्छु’, उनले भने, ‘अर्थतन्त्रमा केहि गम्भीर नकारात्मक लक्षणहरू पनि देखापरेका छन् ।’ १४ महिनालाई धान्ने भनिएको वैदेशिक मुद्राको संचिती सात महिनामै अपुग देखिएको उनले बताए ।
आयात तीव्र रुपमा बढेर व्यापार घाटा चुलिएको र रेमिट्यान्स घटेको भन्दै उनले अर्थतन्त्रका सबै इन्डिकेटर खराब भइसकेको उनले बताए । ‘पर्याप्त वैदेशिक मुद्राको संचिती भएन भने अनेक सर्तमा ऋण लिनुपर्ने अवस्था आउँछ । त्यसका लागि धेरै मूल्य चुकाउनुपर्छ’, उनले भने ।सरकारले भर्खर मात्रै ४० अर्ब ऋण लिन खोजेको भन्दै त्यसले मात्रै नपुग्ने उनले बताए । ‘पाँच महिनामा पुंजिगत खर्च ६ प्रतिशत मात्रै छ । सरकारले राजस्व लिइरहेको छ । तर, खर्च गर्न सकेको छैन, जसका कारण बैंकहरूमा तरलताको अभाव भएको छ’, उनले भने ।
‘एमसिसीको विषयमा गठबन्धनभित्रै विमति’
मिलेनियम च्यालेन्स कर्पाेरेशन (एमसिसी)को विषयमा सत्तारुढ गठबन्धनभित्रै विमति रहेको पाण्डेले बताए । प्रधानमन्त्री र अन्य दलहरु बीच नै गम्भिर असहमति देखिन्छ । ‘यसले नेपालको राजनीतिक संकटलाई थप गहिराउने हो कि भन्ने अवस्था देखा पर्दैछ’, उनले भने ।
एमसीसीको विषयमा सत्तारुढ दलभित्रै असमझदारी रहेकाले सत्तारुढ दलले धारणा बनाएपछि मात्र एमालेले आफ्नो धारणा सार्वजनिक गर्ने उनले बताए । एमसीसीको अन्याेलताले वैदेशिक सहायताको विषयमा अमेरिकासँगको सम्बन्ध कमजोर हुन सक्ने पनि उनले बताए । वर्तमान अवस्थाको समाधान बुद्धिमता ढंगले गर्नुपर्ने भएपनि सरकार त्यसतर्फ नलागेको उनको भनाइ छ । संकट समाधानका लागि एमालेले सहि ढंगले सहयोग गर्ने उनले बताए ।
