पत्रकार राईलाई हातपात गर्ने माथि कारबाहीको माग
धनकुटा,६ पुष । धरानमा रहेर पत्रकारिता गर्दै आएका पत्रकार दिलबहादुर राई माथि भएको हातपातको घटनाको बिषयमा छानविन गरि दोषीलाई कारबाही गर्न नेपाल पत्रकार महासंघ धनकुटा शाखाले माग गरेको छ ।
आज एक विज्ञप्ती जारी गर्दै नेपाल पत्रकार महासंघ धनकुटा शाखाका अध्यक्ष नगेन्द्र राईले पत्रकार राई माथी भएको हातपातको घटनाले गम्भीर ध्यानाकर्षण भएको भन्दै दोषी लाई कारबाही गर्न माग गर्नु भएको हो ।
पत्रकार राई रेडियो धनकुटा एफएम , रेडियो लालीगुराँस हुदै अहिले धरानमा रहेर पत्रकारिता गर्दै आउनु भएको छ । उहाँ नेपाल पत्रकार महासंघ धनकुटा शाखाको कार्यसमितीमा रहेर समेत काम गरि सक्नु भएको छ ।
जसपा नेता मंगल गुप्ता एमाले प्रवेश, ओलीले गरे स्वागत
काठमाडौं, ६ पुस/जनता समाजवादी पार्टीका नेता मंगल गप्ता नेकपा एमाले प्रवेश गरेका छन् । कपिलवस्तुको बहादुरगञ्जमा आयोजित एमालेको बृहत् जनसभामा अध्यक्ष केपी शर्मा ओलीले सदस्यता दिएर गुप्तालाई पार्टीमा स्वागत गरेका हुन् ।
गुप्तासँगै अन्य नेता कार्यकर्ता पनि पार्टी प्रवेश गरेका छन् । ओली सभालाई सम्बोधन गर्न महासचिव शंकर पोखरेल र सचिव लेखराज भट्ट लिएर सोमबार नै कपिलवस्तु पुगेका थिए ।
