धनकुटाको बेलाहारा विमान स्थल निर्माण कार्य तत्काल अघि बढाउन प्रधानमन्त्री देउवा संग माग
धनकुटा । धनकुटाको बेलाहारा विमान स्थल (एयरपोर्ट) निर्माण कार्य तत्काल अघि बढाउन नेपाली कांग्रेस धनकुटाको टोलिले प्रधानमन्त्री शेर बहादुर देउवा समक्ष माग गरेको छ ।
प्रधानमन्त्रीको सरकारी निवास बालुटारमा प्रधानमन्त्रीलाई भेटेर टोलिले बेलाहारा एयरपोर्ट निर्माण कार्य तत्काल अघि बढाउन माग गरेको हो । जिल्लाको विकास र समृद्धीका लागि ७ बुँदे सुझाव पत्र बुझाउदै धनकुटालाई पर्यटन र कृषिको हवको रुपमा विकास गर्न, बेलहारा डाडामा एयरर्पोट निर्माण कार्य तत्काल शुरु गर्न, धनकुटा अस्पतालाई स्तरोन्नती गर्दै शिक्षिण अस्पतालको रुपमा स्थापना गर्न र सात वटै पालिकामा १-१ वटा सुविधा सम्पन्न अस्पताल निर्माण गरी अविलम्ब सञ्चालन गर्न टोलीले प्रधान मन्त्री देउवालाई सुझव दिएको छ ।
भेटमा टोलिले पार्टीको संगठन विस्तार र सुदृढीकरण गर्दै बलियो, जनप्रिय कांग्रेस बनाउन, अव हुने सवै तहको निर्वाचनमा कांग्रेसलाई जिताउन नया ढंगबाट अभियान सञ्चालन गर्न पनि सुझाव दिएको छ । त्यस्तै पार्टीमा सवैलाई सहभागी गराई एकता बद्ध, समावेशी ढंगले अगाडी बढाउदै पार्टीमा पुस्तानतरण भएको र अव रुपान्तरण गर्न विशेष योजना सहित अगाडी बढ्न सुझाव दिएको छ ।
टोलिमा नेपाली कांग्रेस धनकुटाका सभापती दिनेश राई ,नेता आनन्द सन्तोषी राई,जिल्ला सचिव विजय सन्तोषी राई,नेविसंघ धनकुटका उपाध्यक्ष बिर्मशमान अमात्य लगायतको सहभागिता थियो ।
सडककाे ट्याक खाेल्न हेलिकोप्टरमार्फत् डोजर ढुवानी
जाजरकोट, ९ पुस /रुकुम पश्चिमको आठबीसकोट नगरपालिकाले सडकको अस्थायी ट्याक खोल्न हेलिकोप्टरमार्फत् डोजर ढुवानी गरेकाे छ । अप्ठ्यारो भुगोलका कारण सडक निर्माणका लागि डोजर हेलिकोप्टरबाट ढुवानी गरिएकाे मेयर गोरखबहादुर केसीले जानकारी दिए ।
आठबीसकोट-३ मा रहेको डोजरलाई हेलिकोप्टरबाठ ढुवानी गरेर वडा नम्बर १ मा लगिएकाे हाे । श्रमिक प्रयाेग गरेर सडक खन्न सम्भव नभएपछि डोजरको प्रयोग गर्नुपरेको उनले बताए ।
आठबीसकाेट-३ खदीसम्म सडकको अस्थायी ट्याक खुलेको छ । तर, वडा नम्बर १ को उमाखोला, सिस्ने हिमालको काखमा रहेका चैतेखारा, फिलिगे, रोकाजा र ओग्लेमा सडक खन्न डोजरको सहायता लिनु परेको हो । सिस्ने हिमालको काखमा रहेकाले त्यहाँ अत्यधिक चिसाे हुने गर्छ ।
वडा नम्बर २ को स्यालामा सडक निर्माण गर्दा झारमारे लेकबाट सामग्री ढुवानी गरिएको छ ।
