विद्यालयको ६८ औं वार्षिकोत्सबको अवसरमा पढाइ सीप प्रतियोगिता सम्पन्न
धनकुटा । धनकुटा नगरपालिका २ भीरगाउको श्रीमान टंक माद्यमिक विद्यालयको ६८ औं वार्षिकोत्सबको अवसरमा पढाइ सीप प्रतियोगिता सम्पन्न भएको छ ।
वडा नं २ भित्रका ७ विद्यालयका कक्षा १ देखि ३ सम्मका २र२ जना विद्यार्थी सहभागी भएका मध्ये आदर्श राई (मधुगंगा प्रा.वि) प्रथम, सुप्रिया घिमिरे (धर्मोदय प्रा. वि) द्वितीय र कृतिका निरौला (टंक मा.वि) तृतीय भएका छन् ।
श्रीमान टंक माविका प्रधानाध्यापक नरवहादुर विश्वकर्माको सभापतित्वमा सञ्चालित कार्यक्रममा बोल्दै प्रमुख अतिथि एवम् धनकुटा नगरपालिका वडा नं २ का अध्यक्ष चन्द्रलाल तामाङले यस्ता प्रतियोगिताले बालबालिकाको पठन सीपको बिकास हुने बताउनुभयो ।
साथै एक अर्को विद्यालयको पठन क्षामता बुझ्न र जान्न पाइने समेत उहाँले बताउनुभयो । कार्यक्रमको सञ्चालन शिक्षक सरोज दाहालले गर्नु भएको थियो ।
