रोजगारबाट छथर जोरपाटीका युवाहरु ९९ लाख कमाउँदै
नरसायण कुमार राई/धनकुटा,१३ पुस । यो बर्ष छथर जोरपाटी गाउँपालिकाका १७२ युवाहरुले रोगजार पाउने भएका छन् ।
सरकारको युवा स्वरोजगार कार्यक्रम अन्तर्गत ६६ जना र प्रधानमन्त्री रोजगार कार्यक्रम अन्तर्गत ५० जना गरी ११६ जना युवाहरुले रोजगार पाउने टुंगो लागिसकेको छ ।
६४५ आवेदक मध्ये छनौट भएको ती युवाहरु १८ वडा योजनाहरुमा कार्यरत छन् । सन्चालित योजना मूल्यांकनको आधारमा ५९ जनाका लागि रोजगार कार्यक्रम थप भएर आउन लागेको प्रधानमन्त्री स्वरोजगार कार्यक्रम गाउँपालिका संयोजक सुशिला कार्कीले जानकारी दिनुभयो ।
हाल पालिकाका १८ वटा सडकहरुमा सोलिङ र आवश्यकता अनुसार गेभिङको काम गरिरहेका कार्कीले जानकारी दिनुभयो ।
जस मध्ये ५ वटा योजनाहरु सम्पन्न भईसकेका छन् । युवाहरुले दैनिक रु ५७७ हाजिरी पाउनेगरी १०० दिनको रोजगार पाईरहेका छन् ।
चालु योजनाका लागि युवा स्वरोजगार कार्यक्रमका लागि ३८ लाख १३ हजार र प्रधानमन्त्री रोजगारका लागि २९ लाख ५ हजार गरी ६७ लाख १८ हजार बिनियोजन भएको संयोजक कार्कीले जानकारी सदिनु भयो ।
जसबाट रोजगार कार्यक्रमबाट युवाहरुले ६६ लाख ९३ हजार २०० रुपैया पाउनेछन् । यो संगै थप भएर आएको ५६ जनाको रोगगारबाट ३२ लाख ३१ हजार २ सय गरी युवाहरुको कामबाट गाउँमा ९९ लाख २४ हजार २०० नगद भित्रनेछ । गत बर्ष पालिकाका १९१ जना युवाहरुले रोजगार पाएका थिए ।
