सांगुरीगढी ८ तातोपानीमा फुटवल खेल मैदान निर्माण हुने
धनकुटा । सागुरीगढी गाँउपालिका वडा नं ८ तातोपानीमा फुटवल खेल मैदान निर्माण हुनेभएको छ । तातोपानीका सिर्जन शिल युवा क्लवले खेलमैदान निर्माण गर्नलागेको हो । क्लवले एक कार्यक्रमका बिच संघीय प्रतिनिधि सभासदस्य राजेद्र राई ,प्रदेश संसद निरन राई ,गाउपालिका अध्यक्ष कुमार जंग याखालाई खेल मैदान निमार्णका लागि सहयोग माग गरेका छन् ।
युवा क्लबका युवाहरुको मागलाई सम्बोधन गर्नु हुदै संघीय संसद राईले खेलले शाररिक र मानसिक विकासका लागि सहयोग पुर्याउने भन्दै युवाहरुलाई आवश्यक सहयोग गर्ने प्रतिवद्धता जनाउनु भयो । त्यस्तै गरी प्रदेश संसद निरन राईले खेल मैदान निमार्णका लागि १ लाख आर्थिक सहयोग उपलब्ध गराउने घोषणा गर्नु भयो । त्यस्तै गाँउपालिका अध्यक्ष कुमार जंग याखाले गाउपालिकाको तर्फबाट खेलमैदान निमार्ण गर्न ३ लाख आर्थिक सहयोग गर्ने भएको छ । अहिले खेलमैदान निमार्ण गर्नका लागि जनसहभागिताको सहयोगमा ५ रोपनी बाह्रना ५ लाख ७५ हजारमा जग्गा खरिद गरेको युवाक्लवका सदस्य इन्द्र खुलालले बताउनु भयो ।
क्लबलाई सो जग्गामा खेलमैदान निर्माण गर्नका लागि तथा क्लवको भवन निमार्ण गर्नका लागि आर्थिक अभाव भएकोले सहयोग माग गरेको जानकारी दिनुभयो । कार्यक्रममा वडा नं ८ का वडा अध्यक्ष विनय राई , वडा नं ९ का वडा अध्यक्ष जेवी राई लगायत जनाप्रतिनिधि स्थानिय युवाहरुको उपस्थिति रहेको थियो ।
सुत्केरीलाई कुखुराको भाले र घिउ
कपिलवस्तु, २० पुस/सुत्केरी अवस्थामा पोसिलो खानेकुरा खुवाउनु पर्छ भन्ने सन्देश दिन कपिलवस्तुमा कुखुराको भाले र घिउ उपहार प्रदान गरिएको छ । बाणगंगा नगरपालिका वडा नं. १ ले वडा भित्रका सुत्केरीलाई पौष्टिक आहार सहयोग गरेको हो ।
स्वास्थ्य संस्थामा प्रसूति गराउने ५५ आमाहरुलाई उपहार प्रदान गरिएको छ । वडा अध्यक्ष तथा नगर प्रवक्ता विष्णु पौडेलले लोकल कुखुराको भाले र एक केजी घिउ उपहार स्वरुप प्रदान गरेका थिए । सुत्केरी अवस्थामा पोसिलो खानेकुरा खुवाउन पर्छ भन्ने सन्देश फौलियोस् भन्ने उद्धेश्यको लागि कार्यक्रमको आयोजना गरिएको अध्यक्ष पौडेलले बताए ।
यस आर्थिक वर्षमा वडा भित्रका सुत्केरीलाई लक्षित गर्दै गरिएको कार्यक्रमले घरमा सुत्केरी गराउने प्रचलन समेत अन्त्य भएको बताइएको छ । विपन्न समूहका घर परिवारमा सुत्केरी अवस्थामा स्याहार सुसार कम हुने र बालबालिकाको भविष्य र आमाको स्वास्थ्य प्रति गरिने खर्च नभई लगानीको रुपमा लिने गरिएको यस्तो व्यवस्था गरिएको वडा सचिव नरेन्द्र पोख्रेलले बताए ।
