पाख्रिबासमा गजल तथा नगर स्तरिय गायन प्रतियोगिता
धनकुटा । धनकुटाको पाख्रीबास नगरपालिका ४ मा रुपान्तरणका लागि हाम्रो अभियान,पाख्रीबास धनकुटाको आयोजना तथा पाख्रीबास नगरपालिकाको सह आयोजनामा फागुन १४ मा गजल सांझ तथा नगर स्तरिय खुल्ला गायन प्रतियोगिता हुने भएको छ ।
नगरभित्रका जज्वल्यमान प्रतिभाहरुलाई मध्यनजर गरेर यसपटक एउटा पृथक अभ्यासको रुपमा कार्यक्रमको आयोजना गर्न लागिएको आयोजकले जनाएको छ ।
गायन प्रतियोगितामा सहभागीहरुले आफ्नो नाम, गीतको बोल सहित २०७८ फाल्गुन १२ भित्र दर्ता गराइसक्नु पर्नेछ साथै गीत नेपाली भाषाको जुनसुकै विधामा गाउन सकिने जनाइएको छ ।
गायन प्रतियोगीहरु पाख्रिबास नगरपालिकाको भुगोल भित्रको हुनुपर्ने र परिचय खुल्ने प्रमाण अनिवार्य लिएर आउनुपर्ने पनि आयोजकले जनाएको छ ।
प्रतियोगितामा प्रथम,दोस्रो र तेस्रो हुनेलाई क्रमश: ५ हजार,३ हजार र २ हजारको साथमा प्रमाणपत्र प्रदान गरिनेछ ।
गायन प्रतियोगिताको लागि अतिथि निर्णायकहरुमा जेनिश राई ( Voice of Nepal top – 12) धरान,गंगा गौतम (लोक गायिका, इटहरी ),पूर्ण चाम्लिङ राई (गायक,आखिसल्ला) रहनेछन् भने गजल मेहफिलका अतिथि गजल स्रस्टाहरुमा
ईश्वर दाहाल (धनकुटा,पाख्रिबास १ ),सुमन स्मारिका (कैलाली), अनन्त अनुराग (धनकुटा – पाख्रिबास ८) रहनेछन् ।
