धनकुटाका डिएसपी माघ महिनाको उत्कृष्ट प्रहरी घोषित
धनकुटा ११ फागुन, जिल्ला प्रहरी कार्यलय धनकुटाले जिल्ला प्रहरी कार्यलय धनकुटामा कार्यरत प्रहरी नायव उपरिक्षक सुरज कार्कि लाई माघ महिनाको उत्कृष्ट प्रहरी घोषित गरेको छ ।
विभागिय मुल्य मान्यता, आदेश निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्य पथमा तल्लीन रही उच्च मनोवल र साहसका साथ आफ्नो कर्तब्य निर्वाह गरी अ’पराध अनुसन्धानको क्षेत्रमा विशेष योगदान पुर्याएको साथै जिल्लामा घटेक विभिन्न घटनाका प्रतिवादी पक्राउ गरी कानुनी दायरामा ल्याउन महत्व पूर्ण भूमिका खेलेको भन्दै माघ महिनाको उत्कृष्ठ प्रहरी घोषित गरेको जनाईएको छ ।
इलामको सुकिलुम्बा विमानस्थलमा ताराको व्यावसायिक उडान सुरु
काठमाडौँ, ११ फागुन (रासस) ः यती एयरलाइन्सको भगिनी संस्था तारा एयरले इलामको फाल्गुनन्द सुकिलुम्बा विमानस्थलमा आजदेखि व्यावसायिक उडान सुरु गरेको छ । फाल्गुनन्द सुकिलुम्बा विमानस्थलको धावनमार्ग पक्की बनिसकेपछि तारा एयरले इलामको पहिलो नियमित व्यावसायिक उडान सफलतापूर्वक सम्पन्न गरेको हो ।
तारा एयरले नेपाल पर्यटन बोर्ड, इलाम नगरपालिका र पर्यटन व्यवसायीको सहकार्यमा यो उडान गरेको हो । पर्यटन बोर्डका उपाध्यक्ष चन्द्र रिजाल, नाट्टाका अध्यक्ष अच्युत गुरागाईं, होटल एसोसिएशन अफ नेपालका उपाध्यक्ष विनायक शाहसहित पर्यटन व्यवसायीको १४ जनाको टोली उडानमा सहभागी थियो । ६७० मिटर लम्बाइ र २० मिटर चौडाइ रहेको उक्त विमानस्थलमा पक्की धावनमार्ग बन्नुअघि विस २०७५ जेठ २१ गते तारा एयरले पहिलो परीक्षण उडान गरेको थियो ।
तारा एयरले आइतबार र बिहीबार हप्तामा दुई दिन नियमित उडान गर्ने यती एयरलाइन्सका प्रवक्ता एवम् हवाई सुरक्षा प्रमुख सुदर्शन बर्तौलाले जानकारी दिनुभयो । उक्त एयरले काठमाडौँ इलामका लागि रु आठ हजार ७०० भाडादर कायम गरेको छ । उडानको समय भने एक घण्टा लाग्नेछ ।
