सांगुरीगढी गाँउपालिका ८ लाई फुसको छाना मुक्त वडा बनाउन सफल
धनकुटा । गुणस्तरिय सूरक्षित नागरिक आवास कार्यक्रम अन्तर्गत धनकुटाको सागुरीगढी गाँउपालिका ८ लाई फुसको छाना मुक्त वडा बनाउन सफल भएको छ ।
दलित सुमुदायलाई प्रमुख प्राथमिक्तामा राखेर गाँउपालिकाले दलित फुस मुक्त कार्यक्रम सञ्चालन गरेको थियो । सोहि कार्यक्रम अन्तरगत वडा नं ८ का ३५ घर दलित समुदायको घरमा रङगीन जस्तापाताको छानो फेरिएको छ ।
त्यस्तै वडाले वडा भित्रिका असाहय अतिविपन्न गरिब, जस्तापाता किन्न नसक्नेहरुको पहिचान गरी घरको छाना फेरीदिएको छ । वडा नं ८ का वडा अध्यक्ष विनय राईले आफुले ५ वर्ष भित्र वडाको दलित समुदाय सहित असाहाय अतिविपन्न परिवार सहित जम्मा १ सय २१ घरको फुसको छाना हटाएर टिन लगाउन सफल भएको बताउनुभयो ।
फुसको छाना मुक्त वडा वनाउन शूरुवाती वर्ष देखि वडा ,गाँउपालिका र संघको प्रयासबाट सफल भएको वडाअध्यक्ष राईले बताउनु भयो ।
