कृषकहरुलाई कृषि उद्यमबारे सचेत
धनकुटा । धनकुटाको पाख्रीवास नगरपालिका वडा नं ४ मा कृषकहरुलाई कृषि उद्यमबारे सचेत गराईएको छ ।
जनता समाजवादी पार्टीका केन्द्रिय सदस्य तथा १ नं प्रदेश सभा सदस्य आरसी तुम्बाको १ लाख आर्थिक सहयोगमा ४ नं वडाका करिब २ सय कृषकलाई व्यवसायिक तरकारी खेती, माटोको उपचार विधि लगायतको सचेत गराईएको हो ।
४ नं वडाको आयोजनामा भएको कार्यक्रमको सहजिकरण कृषी ज्ञानकेन्द्र धनकुटाका कृषी विज्ञ सुरज खनालले गर्नुभएको थियो । कार्यक्रममा वडाध्यक्ष निरौलाले १० वटै वडाका १५,१५ जना उत्कृष्ठ किसानहरुलाई सुपर नेपियर जातको घाँसकका विरुण नि:शूल्क वितरण गर्र्ने योजना रहेको वताउनुभयो ।
जनता समाजवादी पार्टीका केन्द्रिय सदस्य तथा १ नं प्रदेश सभा सदस्य तुम्बाको प्रमुख आतिथ्य तथा ४ नं वडाध्यक्ष सोभित निरौलाको अध्यक्षतामा सञ्चालित कार्यक्रममा स्वागत मन्तव्य जनता समाजवादी पार्टीका पाख्रीवास नगर अध्यक्ष जितेन्द्र माङ्गपाहाङ्ग राईले राख्नुभएको थियो । सञ्चालन स्थानीय बुद्धिजीवी वीरबहादुर न्यौपानेले गर्नुभएको थियो ।
