राष्ट्रिय युवा संघ नेपाल,पाख्रीबास नगर कमिटीको अगुवा कार्यकर्ता भेला सम्पन्न
धनकुटा । धनकुटाको पाख्रीबासमा राष्ट्रिय युवा संघ नेपाल,पाख्रीबास नगर कमिटिको अगुवा युवा कार्यकर्ता भेला सम्पन्न भएको छ ।
भेलाले युवा संघको १०१ सदस्यीय नगर कमिटी गठन गरेको छ । युवा नेता बीरबल खड्काको अघ्यक्षतामा कमिटी गठन गरिएको हो । कमिटीका उपाध्यक्षमा सुरेन्द्र राई र रमेश मोक्तान तथा सचिवमा सन्जय तामांग,सह सचिवद्वयमा भुपेन्द्र बस्नेत र विवश पुलामी र कोषाध्यक्षमा हरि राई रहेका छन् ।
नेपाल कम्युनिष्ट पार्टी(एमाले) प्रदेश १ सदस्य तथा जिल्ला समन्वय समिती अध्यक्ष टंक चुवानको प्रमुख आतिथ्यमा सम्पन्न कार्यक्रममा नगर कमिटी अध्यक्ष शान्तिराम गौतम,निर्वाचन क्षेत्र नं २ का संयोजक भीम राई लगायतले बोल्नु भएको थियो ।
कार्यक्रममा बोल्दै नगर कमिटी अध्षक्ष गौतमले स्थानिय तहको निर्वाचनमा आफुहरुले क्लिन स्वीप गर्ने र अबको नेतृत्व युवाहरुले गर्नु पर्ने बताए । त्यसैगरि संयोजक राईले एमाले पांच दलिय गठबन्धन संग भिड्न एक्लै तयार रहेको र जनता सामु आफुहरुले गरेका बिकासका कार्यहरु गर्बका साथ अगाडि लिएर जानु पर्ने बताउनु भयो ।
निवर्तमान नगर कमिटी अध्यक्ष सरोज राईको अध्यक्षतामा सम्पन्न कार्यक्रमको खुल्ला शत्र बीरबल खड्का र बन्द शत्रको कार्यक्रम ध्रुव पौडेलले सन्चालन गर्नु भएको थियो ।
