भिरगाउमा निर्माण गरिएको ८ कोठे स्वास्थ्य चौकीको भवन उदघाटन
धनकुटा । धनकुटा नगरपालिका वडा नं २ भिरगाउमा निर्माण गरिएको ८ कोठे स्वास्थ्य चौकीको भवन उदघाटन गरिएको छ ।
शुक्रबार वडा अध्यक्ष चन्द्रलाल तामाङको अध्यक्षता तथा संघिय संसद राजेन्द्र राईको प्रमुख आतिथ्यमा सम्पन्न एक कार्यक्रमका बिच सांसद राईले रिबन काटेर उदघाटन गरेका थिए ।
सांसद राईको पहलमा निर्माण सम्पन्न भएको नवनिर्मित स्वास्थ्य चौकी भवन १ करोड ९७ लाख ६१ हजार ६ सय ६५ रुपैया लगातमा निर्माण कार्य सम्पन्न भएको वडा कार्यलयले जनाएको छ ।
समुदघाटन कार्यक्रममा नगर प्रमुख चिन्तनतामाङ, उपप्रमुख सकुन्तला बस्नेत लगायतको उपस्थिति रहेको थियो ।
यसअघि केपी ओलि नेतृत्वको सरकारले एकैपटक स्वास्थ सेवामा पहुँच वृद्धि गर्ने उदेश्यले ३९६ वटा पाँच देखि १५ सया सम्मका आधारभूत अस्पताल, स्वास्थ चौकी निर्माणका लागि बजेट व्यवस्था सहित शिलान्यास गरिएको थियो ।
अहिले धनकुटा जिल्लामा निर्माण तथा उदघाटन क्रम निरन्तर अगाडि बढिरहेको छ ।
