धनकुटामा बैशाख ६ गते देखि जेष्ठ १९ गते सम्म कृषि गणना संचालन
धनकुटा,२२ चैत । कृषि गणनाको सार कृषि योजनाको पूर्वाधार भन्ने मुल नाराका साथ राष्टिय कृषि गणना २०७८ को पूर्व सन्ध्यामाा धनकुटामा आज जिल्ला स्तरिय कृषि गणना सचेतना गोष्ठी सम्पन्न भएको छ ।
जिल्ला कृषि गणना संयोजक एवम् प्रमुख जिल्ला अधिकारी यूवराज कट्टेलको अध्यक्षतामा भएको कार्यक्रमा धनकुटा जिल्लाका ६० मध्ये ५६ वटा वडामा गणना क्षेत्र छुटाई कृषि गणना गर्न लागिएको जिल्ला कृषि गणना कार्यलय धनकुटाका अधिकृत प्रकाश कुमार अधिकारीले जानकारी दिनु भयो ।
कृषि गणना यही बैशाख ६ गते देखि जेष्ठ १९ गते सम्म संचालन हुने अधिकारीले बताउनु भयो ।गणनामा कृषक परिवार सूचीकृत लगत, कृषक परिवार प्रश्नावली, वडा स्तरीय समामुदायीक प्रश्नावलीको प्रयोग गरिने जनाईएको छ ।
कार्यक्रममा जिल्ला समन्वय समिती धनकुटाका समन्वय अधिकारी सफल पोर्तेल, जिल्ला प्रहरी कार्यलय धनकुटाका प्रमुख लक्ष्मीराज अधिकारी,लगायत विभिन्न संघ संस्थाका प्रमुखप्रतिनिधी कृषक समुहका प्रमुख तथा प्रतिनिधी संचारकर्मिहरुको उपस्थिती रहको थियो ।
