धनकुटाको सहिदभूमिमा दुई महिने विद्युत जडान तालिम सम्पन्न
मालती मोक्तान/धनकुटा,चैत २३ । धनकुटाको सहिदभुमि गाउंपालिका वडा नं ३ मा सञ्चालित २ महिने वेसिक ईलेक्ट्रिसियन विद्युत जडान सम्बन्धि तालिम आज सम्पन्न भएको छ।
गापाको ४ लाख आर्थिक सहयोगमा वडा ३ का २४ जना युवाहरुलाई २ महिने विद्युत जडान तालिमको व्यवस्था गरेको गापा अध्यक्ष मनोज राईका स्वकीय सचिव केसव राईले जानकारी दिनुभयो ।
तालिम गत फागुन १ गतेदेखि सुरु भएर बुधबार एक ओैपचारिक कार्यक्रमका बिच गापा अध्यक्ष राईको प्रमुख आतिथ्यमा समापन गरिएको हो ।
तालिममा सहभागी युवाहरुलाई गापा अध्यक्ष राईले कार्यक्रममा बोल्दै सिकेका बुझेका कुराहरु जीवनमा लागु गर्दै अघि बढन् आग्रह गर्नुभयो । उहाले विद्युतको क्षेत्रमा काम गर्न सक्ने जनशक्ति पालिकामा उत्पादन हुनुपर्ने बताउनुभयो । साथै उहाले सिकेको सिपलाई सदुपयोग गर्नु पर्ने भन्दै प्रमाणपत्र वितरण गर्नुभएको थियो ।
तालिममा सहभागी युवाहरुले तालिम उपलब्धि मुलक भएको भन्दै आत्मानिर्भर बन्न सहज हुने बताएका छम् । २ महिने तालिम हेरिटेज टेक्निकल एण्ड रिसर्च ईन्स्टिच्यु प्रालिका रोशन बज्गाइले प्रदान गरेका थिए ।
