नवनियुक्त खेलकुद अध्यक्ष राईद्धारा प्रदभार ग्रहण
धनकुटा । जिल्ला खेलकुद विकास समितिका नवनियुक्त अध्यक्ष मनोजकुमार राईले आज पदभार ग्रहण गरेका छन् ।
प्रदेश नं.१ को सामाजिक विकास मन्त्रालय अन्तर्गतको प्रदेश खेलकुद विकास बोर्डले राईलाई यही चैत २४ गते जिल्ला खेलकुद समितिको अध्यक्ष नियुक्त गरेको थियो ।
उनी नेकपा (एकीकृत समाजवादी) निकट हुन् । उनलाई कार्यालय प्रमुख नविन प्रधानसहित जिल्लाका खेलकुद संघ संस्थाका प्रतिनिधि, खेलाडीहरुले स्वागत गरेका थिए ।
नवनियुक्त अध्यक्ष राईले पदभार ग्रहण गर्दै आगामी दिनमा धनकुटाको खेल क्षेत्रको विकासका लागि हर प्रयास गर्ने बताए । उनले धनकुटामा खेल क्षेत्र सुस्ताउँदै गएकाले खेल क्षेत्रमा उत्साह ल्याउनेगरी योजना बनाउने प्रतिवद्धता जनाए ।
