धनकुटामा धर्ना
धनकुटा, १३ बैशाख । निर्माण ब्यबसायी संघ धनकुटाले मंगलबार जिल्ला प्रशासन कार्यलयमा धर्ना दिएको छ । निर्माण सामाग्रीमा भएको उच्च मुल्य बृद्धि, निर्माण कार्यको म्यादथप, सार्वजनिक खरिद नियामावलीको एघारौ संशोधनमा आएका केहि प्रावधान, विमा निर्दैशिका लगायत संशोधन र खारेजीका विषय लाई लिएर निर्माण व्यावसायीहरुले प्रशासनमा धर्ना दिएको निर्माण ब्यबसायी संघ धनकुटाका कार्यबाहक अध्यक्ष प्रकास थुलुङ राईले जानकारी दिए ।
निर्माण सामग्रीमा उच्च मुल्य बृद्धि हुदा पनी ठेक्का प्रक्रियाको दररेटमा कुनै हेरफेर नगरिएको भन्दै त्यसको सम्बोधनको लागि समेत आन्दोलित हुनु परेको व्यावसायीको भनाई छ । माग सम्बोधन नभए सम्म आन्दोलन जारी रहने जनाइएको छ । उनिहरुले अत्याबश्यक निर्माण बाहेक अन्य निर्माणका कार्यलाइ कन्ट्रक्सन होलिडे गर्न समेत माग गरेको छन् । धर्ना पछि उनिहरुले नाराबाजी सहित बजार परिक्रमा गरेका थिए ।
यो पनि पढ्नुहोस्…
झापाका अधिकांश पालिकामा पुरुष नै उपप्रमुख÷उपाध्यक्ष
झापा, १३ वैशाख (रासस) ः सत्तारूढ गठबन्धनले झापाका अधिकांश पालिकाको उपप्रमुख÷उपाध्यक्षमा पुरुषलाई नै उम्मेदवार बनाएको छ ।
जिल्लामा रहेका १५ पालिकामध्ये गठबन्धनले १२ पालिकामा पुरुषलाई नै उपप्रमुख÷उपाध्यक्षको उम्मेदवार बनाएको हो ।
नेपाली कांग्रेसले १५ वटै पालिकाको प्रमुख पद र नेकपा (माओवादी केन्द्र) ले उपप्रमुख÷उपाध्यक्ष पदमा उम्मेदवार बनाउने सहमति सत्तारुढ गठबन्धन दलबीच भएको थियो । सोही सहमतिका आधारमा उम्मेदवार तय गर्दा माओवादी केन्द्रले अधिकांश पालिकामा उपप्रमुख÷उपाध्यक्ष पदमा पुरुषलाई नै उम्मेदवार बनाएको बताइएको छ ।
गठबन्धनका तर्फबाट मेचीनगरमा प्रकाश भण्डारी, बिर्तामोडमा सिपी कँडेल, भद्रपुरमा शिवराज भण्डारी, गौरादहमा पुष्प ढकाल, शिवसताक्षीमा महेन्द्र भट्टराई, अर्जुनधारा नगरपालिकामा जिनेश योञ्जन र बाह्रदशीमा शङ्कर सेढाईं, कमलमा पर्शु सुवेदी, बुद्धशान्तिमा खड्ग तिम्सिना, गौरीगञ्जमा अमन राजवंशीलाई उपप्रमुख पदमा उम्मेदवारी दर्ता गराउनुभएको हो ।
यसैगरी झापा गाउँपालिकामा मुनावती गणेश उपाध्यक्षमा र दमक नगरपालिकामा रेगिना उपप्रमुख पदमा उम्मेदवारी दर्ता गराउनुभएको हो । गठबन्धन नगर्दा सबै पालिकामा महिला अनिवार्य हुने व्यवस्था संविधानमै उल्लेख छ । हल्दिवारी र कचनकवल गाउँपालिका तथा कनकाई नगरपालिकामा गठबन्धनमा सहमति नभएपछि दुवै दलले उपप्रमुख÷उपाध्यक्षमा महिलालाई नै उम्मेदवार बनाएको बताइएको छ ।
नेपाल पत्रकार महासङ्घका पूर्वअध्यक्ष तथा नेकपा माओवादी केन्द्रका जिल्ला सदस्य तारामणि सापकोटाले पुरुष नभई जितिँदैन भन्ने सामाजिक सोचका कारण पनि महिलाले अवसर नपाएको बताउनुभयो । उहाँले भन्नुभयो, “पार्टीमा क्षमता भएका धेरै महिला छन् तर गठबन्धन हुँदा महिला पुरुषलाई मिलाएर लैजानुपर्ने बाध्यकारी अवस्था नहुँदा पनि संविधानमा भएको व्यवस्थालाई क्रस गरिएको हो ।”
