धनकुटाको हिले बजारको किराना तथा खाद्य पसल, होटलहरुको अनुगमन
धनकुटा । धनकुटाको हिले बजारको आज अनुगमन गरिएको छ । जिल्ला प्रशासन कार्यलय धनकुटाका प्रशासकीय अधिकृत हरिगोपाल कर्माचार्य संयोजकत्वको टोलिले हिले बजारको किराना तथा खाद्य पसल, होटलहरुको अनुगमन गरेको हो ।
अनुगमनको क्रममा बजार पसलको अबस्था सामान्य पाईएको टोलिले जनाएको छ । टोलिले मूल्य सूचि नराखेका पसलहरुमा मूल्य सूचि राख्न, लेवल नराखिएका खाद्यय वस्तुहरुमा लेवल उल्लेख गरेर राख्नु, म्याद नाघेका खाद्य सामाग्री उपभोक्तालाई नबेच्न व्यपारीहरुलाई सूझाव दिएको छ ।
टोलिमा घरेलु तथा साना उद्योग कार्यलय,खाद्य प्रविधि तथा गुण नियन्त्रण डिभिजन कार्यलय,उद्योग वाणिज्य संघ,उपभोक्ता हित संरक्षण मञ्च धनकुटाका पदाधिकारी सहित सूरक्षा निकाय र सञ्चारकर्मीको सहभागिता थियो ।
