निर्वाचन नजिकिए संगै धनकुटामा दलहरुले चुनावी अभियान तिव्र
धनकुटा,१७ बैशाख । स्थानिय तहको निर्वाचन नजिकिए संगै धनकुटामा राजनैतिक दलहरुले चुनावी अभियानलाई तिव्रता दिएका छन् ।
बैशाख ३० गते हुने निर्वाचनलाई लक्षित गरेर दल तथा तिनका कार्यकर्ताहरुले अहिले घर दैलो कार्यक्रमलाई तिव्रता दिएका हुन् । निर्वाचन आउन १३ दिन मात्र बाँकी रहंदा दलहरुले अभियानलाई सशक्त बनाएका छन् ।
धनकुटामा यो पटक सत्ता गठबन्धनमा आवद्ध दल र प्रमुख प्रतिपक्ष एमालेका उम्मेदवारहरु विच नै मुख्य प्रतिस्पर्धा रहने देखिएको छ । यस अघिको स्थानिय तहको निर्वाचनमा सात स्थानिय तह रहेको धनकुटामा प्रमुख, उपप्रमुख, अध्यक्ष उपाध्यक्ष सहित नेकपा एमालेले जिल्लाका अधिकांश वडा अध्यक्ष र सदस्य जितेको थियो ।
यो पटक सत्ता गठबन्धनमा आवद्द दल एमालेलाई जसरी पनि पराजित गर्ने भन्दै चुनावी मैदानमा अत्रिएका छन् भने एमाले यो पटक पनि सबै स्थानिय तहका प्रमुख, उपप्रमुख, अध्यक्ष उपाध्यक्ष सहित अधिकांश वडा आफूले नै जित्ने दावीका साथ चुनावी मैदानमा उत्रिएको छ ।
एमालेले अघिल्लो स्थानिय तहको निर्वाचनमा निर्वाचित भएका १ नगरप्रमुख र ३ पालिका अध्यक्षलाई फेरी दोहोराएको छ ।
