चिन्तनलाई १३ सय घरधुरीको चिन्न्ता
नारायण कुमार राई/धनकुटा,२० बैसाख । धनकुटा नगरपालिकाका निवर्तमा मेयर तथा नेकपा एमालेका उमेद्वार चिन्तन तामाङ्गलाई यो बर्खामा नागरिकका फुस्को छानोबाट पानी चुहिएर भिजाउला की भन्ने पीर छ ।
आफ्ना कार्यकालमा १३ सय घरधुरीका लागि फुस्को छानो हटाएर टिनको छानो लगाउने काम आधा मात्र सकेकाले बाँकी काम अधुरो रहलाकी भन्ने उनलाई चिन्ता छ ।
नेकपा एमाले धनकुटा नगरपालिका वडा नं.५ ले सोमबार आयोजना गरेको घरदैलो कार्यक्रममा सन्चारकर्मीहरु र स्थानियबासीहरु संग उनले यस्तो कुरा राखेका हुन् ।
वर्तमान गठबन्धन सरकारले धनकुटाका लागि छुट्टिएका १० अर्ब बजेट मध्ये ६ अर्ब काटे झै यस नगरमा गठबन्धनले जिते ती गरिबका घरमा छाना नफेरीने होकी भनेर तामाङ्गले चिन्ता गरे ।
त्यसैले ती आर्थिक रुपले पछि परेका सबै घरधुरीमा टिनको छानो लगाउन र यूवाहरुलाई रोजगार दिन आफू पुनः मेयरको उमेद्वार भएको तामाङ्गले प्रष्ट पारे ।
‘तपाईहरुका अधुरो काम पुरा गर्न म फेरी आएको छु,मलाई बिजयी गराउनु होला’–कर्मिटारका एक घरमा भोट माग्दै तामाङ्गले भने ।
घरदैलो कार्यक्रममा तामाङले आफ्नो कार्यकालमा शुरु भएका शिक्षा,स्वास्थ्य,खानेपानी,कृषि,सडक,पर्यटन,रोजगार लगाएतका कामहरु पुरा गर्दा र कुनै पनि काम गर्दा पहिला जस्तै जात,धर्म र राजनैतिक भेदभाव नगरी जनताका काम गर्ने प्रतिवद्धता जनाएका थिए ।
घरदैलो कार्यक्रममा रहेका मेयरका उमेद्वार तामाङ,उपमेयर भीमादेवी खनाल,वडाअध्यक्ष कोमल राई लगाएतको टोलीलाई कर्मिटार पुगेर संघीय सांसद र एमालेका केन्द्रिय सदस्य राजेन्द्र राई र केन्द्रिय सदस्य सकुन्तला बस्नेतले खादा ओढाएर अभियानको शुभकामना दिएका थिए ।
