नेकपा एमाले सहिदभुमि गाउँपालिका ५ नं वडा कमिटीद्वारा २५ जना राजबन्दीहरुलाई सम्मान
धनकुटा । नेकपा एमाले सहिदभुमि गाउँपालिका ५ नं वडा कमिटी खोकुले २५ जना राजबन्दीहरुलाई सम्मान गरेको छ ।
आउने बैशाख ३० गते हुने स्थानीय तह निर्वाचन प्रचारप्रसार तथा घरदैलो अभियानको क्रममा ८ वर्ष देखि ३ वर्ष सम्म २०३६ सालको किसान आन्दोलनको क्रममा राजबन्दि परेका २५ जनालाई सम्मानपत्र र खदाले सम्मान गरेको हो ।
कार्यक्रममा वडा नं ५ का प्रत्यासी वडाका उम्मेदवारहरुको परिचय सहित वडा अध्यक्ष उम्मेदवार बालचन्द्र राईले आफ्नो प्रतिवद्वता मनतव्य राख्नुभएको थियो ।
त्यस्तै गरि पार्टीका जिल्ला ईन्चार्ज तथा संघीय संसद राजेन्द्र राई , पार्टीका जिल्ला अध्यक्ष तथा प्रदेश संसद ईन्द्रमणी पराजुली, पार्टीका जिल्ला सचिव तथा संसद निरन राईले कार्यक्रमलाई सम्बोधन गर्नुहुदै नेकपा एमालेबाट निर्वाचित जनप्रतिनिधिले गरेका काम तथा विकासका कारण एमालेको जनलहर बढिरहेको बताउनु हुदै यस हिसाबले पनि धनकुटामा गठबन्धनलाई परास्त गर्दै एमालेको जित सुनिश्चित भईसकेको बताउनुभयो ।
वर्तमान वडा अध्यक्ष मल्सुराम राईले पनि कार्यक्रममा बोल्नु हुदै खोकुमा विकास गर्न सफल भएको दाबी गर्नु भयो ।
