पाख्रीवास नगरमा संयुक्त लोकतान्त्रिक गठबन्धन दलहरुको चुनावी घरदैलो अभियान
धनकुटा । सरकारले तोकेको मिति अनुसार स्थानिय तहको निर्वाचन आउन अब ६ दिन मात्र बाँकी छ । निर्वाचनको मिति नजिकिरहदा राजनीतिक दलहरुले चुनावी कार्यक्रम निरन्तरता दिईरहेका छन् ।
यस्तै क्रममा संयुक्त लोकतान्त्रिक गठबन्धनका दलहरुले धनकुटाको पाख्रीवास नगरमा घरदैलो अभियान सञ्चालन गरेका छन् । अभियानको क्रममा गठबन्धनका उम्मेद्धार तथा नेताहरुले पाख्रीवासको समृद्धी र विकासका लागि आफुहरुलाई मतदान गर्न आम मतदाता समक्ष आह्वान गरेका छन् ।
गठबन्धनको तर्फबाट पाख्रीवास नगरपालिकाका मेयर पदका उम्मेदवार ज्ञान वहादुर गुरुङ,उपमेयरका उम्मेदवार ओम प्रकाश निरौला, वडा नं ४ वडाध्यक्षका उम्मेदवार सन्तोष मानन्धर ,महिला सदस्यका उम्मेदवार सुष्मा गुरुङ लगायतले पाख्रिवासको विकास र समृद्धीका लागि स्थानिय तह निर्वाचनमा आफुहरुलाई विजयी गराउन मतदाता समक्ष अनुरोध गरे ।
घरदैलो कार्यक्रम पछि पाख्रीवास बजारमा भएको कार्यक्रममा परिर्वतनको पक्षधर पाख्रीवासको सयौं बजार वासीहरुले सहभागिता जनाएको नोपली कांग्रेस जिल्ला सचिव विजय सन्तोषी राईले बताउनुभयो । उहाँले यस पटकको निर्वाचनमा पाख्रीवास नगरमा गठबन्धनको जित सुनिश्चित भएको समेत उल्लेख गर्नुभयो ।
नेपाली कांग्रेस पाख्रीवास नगरका सभापती प्रेम भण्डारीको संयोजत्वमा सम्पन्न भएका कार्यक्रममा पार्टीका ४ नं का वडा सभापती श्याम प्रकाश राई,तरुण दल पाख्रीवासका अध्यक्ष रवी राई,तरुण डिफ्रेन्स फोर्सका अध्यक्ष बिमल गुरुङ,ज्योती गुरुङ,जुवु गुरुङ लगायतले समेत गठबन्धनका उम्मेदवारहरु भोट दिएर विजयी गराउन अनुरोध गरेका थिए ।
