चौबिसे गाउँपालिका अपडेट : अध्यक्ष-उपाध्यक्ष दुबैमा एमालेको अग्रता कायमै ! वडा १,२,३ मा एमालेको प्यानलै विजयी
धनकुटा । धनकुटा जिल्लाको चौबिसे गाउंपालिका अध्यक्ष-उपाध्यक्ष दुबै पदमा नेकपा एमालेले अग्रता लिएको छ ।
पछिल्लो मत परिणाम अनुसार पालिका अध्यक्ष पदमा नेकपा एमालेका राजकुमार लिम्बुले २,२७३ मत प्राप्त गरेका छन् भने गठबन्धनका तर्फबाट नेकपा (माओवादी केन्द्र) का दलबहादुर मगरले १,८७३ मत प्राप्त गरेका छन् ।
त्यसैगरि उपाध्यक्ष पदमा एमालेका टंकमाया पांग्मीले २,५०६ मत प्राप्त गरेका छन् भने गठबन्धनका तर्फबाट जनता समाजवादी पार्टी,नेपालका मंगल कुमार लिम्बुले १,६५२ मत प्राप्त गरेका छन् ।
यसअघि नै वडा नं १ अध्यक्षमा नेपाली कांग्रेसका दिपक कुमार श्रेष्ठले ५२७ मत ल्याउंदै विजयी हासिल गरि सकेका छन् । वडा नं २ र ३ मा वडा अध्यक्षमा नेकपा एमालेका एनोज तुम्सा र मदन तुम्सा सहित प्यानलै बिजयी भएका छन् ।
वडा ४ को मतगणना जारी छ । पंछिल्लो मत परिणाम अनुसार एमालेका लोकेन्द्र मगरले ३९४ मत र गठबन्धनबाट नेकाका नगेन्द्र बहादुर तामांगले २८२ मत प्राप्त गरेका छन् ।
पाख्रिबास नगरपालिका वडा २ र ३ मा अध्यक्ष सहित एमालेको प्यानलै बिजयी
धनकुटा । धनकुटाको पाख्रिबास नगरपालिकामा वडा नं २ र ३ मा वडा नेकपा(एमाले) बाट वडा अध्यक्ष सहित प्यानलै बिजयी भएका छन् ।
अन्तिम सार्बजनिक गरिएको मत परिणाम अनुसार वडा नं २ मा वडा अध्यक्षमा एमालेका चुडामणि पुलामीले ७७० मत ल्याएर विजयी भएका छन् भने वहांका निकटतम प्रतिद्वन्दी नेपाली कांग्रेसका धन बहादुर लुंगेली मगरले ५९६ मत प्राप्त गरेका छन् ।
त्यसैगरि महिला सदस्य तर्फ एमालेका देवकी आलेले ७८३ मत ल्याएर बिजयी भएका छन् भने निकटतम प्रतिद्वन्दी नेका का टीका मगरले ५३९ मत प्राप्त गरेका छन् । दलित महिला सदस्य तर्फ एमालेका बिष्णु माया बिश्वकर्माले ७८३ मत ल्याएर बिजयी भएका छन् भने निकटतम प्रतिद्वन्दी नेकाका धनमाया सार्कीले ५७१ मत प्राप्त गरेका छन् ।
खुला सदस्य तर्फ एमालेका उम्मेदवारहरु निम बहादुर तामांग र रेवतराज गुर्मछान बिजयी भएका छन् ।
त्यसैगरि वडा नं ३ का अध्यक्षमा एमालेका सरोज राई बिजयी भएका छन् । राईले ५७४ मत प्राप्त गरेका छन् भने वहांका निकटतम प्रतिद्वन्दी गठबन्धनबाट माओवादी केन्द्रका कृष्ण बहादुर कटुवालले ५६४ मत प्राप्त गरेका छन् ।
महिला सदस्य तर्फ एमालेका यशोदा तामांगले ५७० मत ल्याएर बिजयी भएका छन् भने निकटतम प्रतिद्वन्दी गठबन्धनबाट माओवादी केन्द्रका धन माया राईले ५५१ मत प्राप्त गरेका छन् । दलित महिला सदस्यमा एमालेका निर्मला बिश्वकर्माले ५५९ मत ल्याएर बिजयी भएका छन् भने निकटतम प्रतिद्वन्दी माओवादी केन्द्रका लक्ष्मी दर्जीले ५४५ मत ल्याएका छन् ।
त्यसैगरि खुला सदस्य तर्फ एमालेका चन्द्र बहादुर आले मगर र सीतादेवी बस्नेत बिजयी भएका छन् ।
