धनकुटाको महालक्ष्मी नगरपालिका प्रमुखमा गठबन्धनको अग्रता कायमै,उपप्रमुखमा एमाले
धनकुटा । धनकुटाको महालक्ष्मी नगरपालिकामा मेयर पदमा संयुक्त लोकतान्त्रिक गठबन्धनका उम्मेद्धार ध्रुराज रायको अग्रता कायम छ । विहान साढे ८ सम्मको मत परिणाम अनुसार रायले ४९२२ मत प्राप्त गर्नु भएको छ । उहाँका निकटतम प्रतिष्पर्धी नेकपा एमालेका दिपक बुढाथोकीले ३९३८ मत प्राप्त गर्नु भएको छ ।
उपमेयर तर्फ भने नेकपा एमालेका मञ्जु अधिकारीले ४२११ ले अग्र स्थानमा हुनुहुन्छ । उहाँका निकटतम प्रतिष्पर्धी गठबन्धनका प्रेम खड्काले अहिले सम्म ३७३६ मत प्राप्त गर्नुभएको छ । यो नगरमा १,२,३,४,५,६,७ नं वडाको मत गणना भईसकेको छ । अहिले वडा नं ८ को मत गणना हुँदैछ ।
बाँकेका पन्ध्र वडाको मत परिणाम सार्वजनिक
नेपालगञ्ज, २ जेठ (रासस) ःबाँकेमा कुल ८१ वडामध्ये अहिलेसम्म १५ वडाको मतपरिणाम सार्वजनिक भएको छ । हालसम्मको मतपरिणाम अनुसार नेकपा ९एमाले०ले पाँच, नेपाली कांग्रेसले चार, नेकपा ९माओवादी केन्द्र०ले तीन, जनता समाजवादी पार्टी ९जसपा०ले दुई तथा राप्रपाले एक वडा जितेको छ । नेपालगञ्ज उपमहानगरपालिका वडा नम्बर १ मा एमालेका प्रमोद रिजाल निर्वाचित हुनुभएको छ । उहाँले कूल ७८१ मत प्राप्त गर्नुभएको थियो ।
उहाँ यसअघि पनि सो वडाका वडाध्यक्ष हुनुहुन्थ्यो । उहाँका निकटतम प्रतिद्वन्द्वी राप्रपाका तारामान कुँवरले ७२७ मत प्राप्त गर्नुभयो भने कांग्रेसले ५८१ मत प्राप्त गरेको थियो ।
नेपालगञ्ज उपमहानगरपालिका वडा नम्बर २ मा राप्रपाका मनोज श्रेष्ठले ५५० मत प्राप्त गरी निर्वाचित हुनुभएको छ । उक्त वडा विसं २०७४ को निर्वाचनमा कांग्रेसले जितेको थियो । नेपालगञ्ज– २२ मा जसपाका अब्दुल गफ्फार हलवाई निर्वाचित हुनुभयो । यस्तै जानकी गाउँपालिका वडा नम्बर १ मा जसपाका प्यानल विजयी भएकोछ । जसपा नेपालका मोहम्मद रजा राइ वडाध्यक्षमा एक हजार १७४ मत प्राप्त गर्दै विजयी हुनुभएको छ ।वडा नम्बर २ मा नेकपा माओबादीका चन्द्रिकाप्रसाद गुप्ता विजयी हुनुभएको छ । उहाँ दोस्रो कार्यकालका लागि वडाध्यक्ष निर्वाचित हुनुभएको हो ।
राप्तीसोनारी गाउँपालिका–१ को वडाध्यक्षमा एमालेका यमबहादुर खड्का निर्वाचित हुनुभयो । उहाँसहित एमालेको पूरै प्यानल निर्वाचित भएको हो ।
खुला सदस्यमा एमालेकै चूर्णबहादुर भण्डारी र भरत बुढाथोकी, महिला सदस्यमा एमालेकै यमकुमारी ओली र दलित महिला सदस्यमा निर्मला विक निर्वाचित हुनुभएको छ ।
राप्तीसोनारी –२ मा एमालेका उम्मेदवार ज्ञानेन्द्र वली ९ज्ञानु० विजयी हुनुभएको छ । राप्तीसोनारी–३ मा एमालेका मीनकुमार थारु निर्वाचित हुनुभएको छ । एमालेका वडाध्यक्षका उम्मेदवार मिनकुमार थारुले एक हजार ३४३ मत ल्याउनुभएको छ । महिला सदस्यमा सुमित्राकुमारी थारु दलित महिला सदस्यमा रिता दमाई, खुला सदस्यतर्फ पुन्वा थारु र मङ्गलबहादुर ओली विजयी भएका हुनुभएको छ । कोहलपुर नगरपालिका–१ मा माओवादीका बद्रीप्रसाद जैसीको प्यानल विजयी भएको छ ।
कोहलपुर– १५ मा कांग्रेसका दीपेन्द्रकुमार थारु वडाध्यक्षमा निर्वाचित हुनुभएको छ । सो वडामा कांग्रेसको पूरै प्यानल निर्वाचित भएको छ । खुजुरा गाउँपालिका वडा नम्बर १ मा कांग्रेसका मनवीर खत्री विजयी हुनुभएको छ । डुडुवा गाउँपालिका–१ मा कांग्रेसका पटेश्वरी कुर्मीसहितको प्यानल विजयी भएको छ ।
