धनकुटा नगरपालिका अपडेट : प्रमुख -उपप्रमुखमा एमालेको अग्रता कायमै
धनकुटा । धनकुटा जिल्लाको धनकुटा नगरपालिकाको पछिल्लो मत परिणाम सार्वजनिक गरिएको छ ।
जस अनुसार आज दिउंसो १ बजे सार्बजनिक गरिएको मत परिणाम अनुसार नगर प्रमुख पदमा नेकपा एमालेका चिन्तन तामांगले ४ हजार ६ सय ४९ मतका साथ अग्रता लिएका छन् भने गठबन्धनबाट कांग्रेसका दिनेश राईले ४ हजार ५ सय ३४ मत प्राप्त गरेका छन् ।
त्यसैगरि उपप्रमुख पदमा एमालेका भिमादेवी खनाल(शान्ता) ले ४ हजार ८ सय ३१ मत प्राप्त गरेर गरेका छन् भने गठबन्धनबाट नेकपा माओवादीका गणेश बहादुर बिष्टले ४ हजार १५ मत ल्याएका छन् ।
यो पनि…
धनकुटा । धनकुटाको चौबिसे गाउँपालिकामा नेकपा एमाले उम्मेदवार राजकुमार चेम्जोङ्ग बिजयी भएका छन् उनले ५ हजार ३८ मत ल्याई विजयी भएका हुन् ।
उनका निकटतम प्रतिद्धन्धी गठबन्धनबाट दल बहादुर मगरले ३ हजार ९ सय ९१ मत प्राप्त गरे ।
त्यस्तै उपाध्यक्षमा नेकपा एमालेकी टंकमाया पाङ्गी मगरले ४ हजार ९ सय ८३ मत प्राप्त गरेर विजयी भईन भने गठबन्धनबाट जनता समाजवादीका उपाध्यक्षमा दिवा चेम्जोङ्गले ३ हजार ९ सय ८८ मत प्राप्त गरे ।
छथरजोरपाटीमा गठबन्धनले मार्यो बाजी
धनकुटा । धनकुटाको छथरजोरपाटी गाउँपालिकामा गठबन्धनको तर्फबाट नेपाली कांग्रेसका उम्मेदवार छत्र सुब्बाले ४ हजार ३ सय ५९ मत प्राप्त गर्दै विजयी भएका छन् भने निकटतम प्रतिद्धन्दी नेकपा एमालेका शेरबहादुर लिम्बुले ४ हजार १ सय ६४ मत प्राप्त गरेका छन् ।
त्यस्तै उपाध्यक्ष्मा गठबन्धनको तर्फ बाट नेकपा माओवादीकी गिता खेवाले ४ हजार ३ सय ८७ मत प्राप्त गर्दै बिजयी भएकी छन् भने वहांका निकटतम प्रतिद्धन्दी नेकपा एमालेकी गोमा कार्कीले ३ हजार ६ सय १९ मत प्राप्त गरेकी छन्।
