गठबन्धनबाट विजयी यी वडाहरुमा स्वास्थ्य बिमा र व्यक्तिगत घट्ना दर्ता शूल्क वडा आफैले वेहोर्ने वडाध्यक्षहरुको घोषणा
धनकुटा । धनकुटा नगरपालिकाको वडा नं ५, ६ र ७ मा स्वास्थ्य बिमा र व्यक्तिगत घट्ना दर्ता नि:शूल्क गरिने नव निर्वचित वडाध्यक्षहरुले बताएका छन् । शुक्रवार पद वहालीको क्रममा बोल्दै उनिहरुले त्यस्तो बताएका हुन् ।
ती वडाका नागरिकको सहजताका लागि स्वास्थ्य बिमा, व्यक्तिगत घट्ना दर्ता वडाले नै गरिदिने उनिहरुले स्पष्ट पारेका छन् ।
गठबन्धनको तर्फबाट नगरको वडा नं ५ मा विजयी वडाध्यक्ष धन कुमार राई,वडा सदस्यहरु कृष्णमाया श्रेष्ठ,दुर्गा दर्जी,गोविन्द राई,टिका श्रेष्ठ, वडा नं ६ का वडाध्यक्ष मिलन कुमार खड्गी, वडा सदस्यहरु कुसुम जोशी श्रेष्ठ,रेजिना हिङमाङ्,मन कुमारी राई र पुरुषोत्तम अर्याल लगायतले जनताको पक्षमा निर्णय गर्दै उल्लेखित कार्यमा शूल्क नलिने घोषणा गरेका हुन् ।
त्यस्तैगरि वडा नं ७ का वडाध्यक्ष रोशेष श्रेष्ठ,वडा सदस्यहरु ज्ञानु राई,आशा विक,केदारनाथ श्रेष्ठ,अविन्द्र राईले पनि पद वहाली गर्दै ७ नं वडामा जन्म दर्ता,मृत्यू दर्ता, विवाह दर्ता र नागरिक्ता सिफारिस नि:शूल्क गर्ने, दलित ,अपाङ्गता,अतिविपन्न,एकल महिला,अल्पसंख्य,जेष्ठ नागरिकहरुको वडा आफैले स्वास्थ्य बिमा गरिदिने र कर घटाउन समेत पहल गर्ने घोषणा गरेका छन ।
धनकुटा अस्पताललाई स्तरोन्नती गरी गुणस्तरीय सेवा प्रदान गर्न पनि पहल गर्ने वडाध्यक्ष श्रेष्ठले वताउनु भयो । नगरमा गठबन्धनले तिजेको वडा नं ३ र १० का जनप्रतिनीधिहरुले भने जेष्ठ ९ गते सोमवार पद वहाली गर्ने नेपाली कांग्रेस धनकुटाका सचिव तथा नगर संयोजक विजय सन्तोषी राईले जानकारी दिनुभयो ।
कार्यक्रममा नेपाली कांग्रेसका सल्लाहकार विकास प्रधान,दिनेश अमात्य,धनकुटा नगर सभापती नरेश श्रेष्ठ,जेष्ठ नागरिक सभाका सदस्य भोलानाथ घिमिरे,पूर्व जिल्ला सदस्य दिनेश भण्डारी लगायत नेताहरुको उपस्थिती थियो ।
