कांग्रेस धनकुटाले जिल्ला समन्वय समितिको निर्वाचनमा मतदान गर्ने मतदाताहरुलाई दियो धन्यवाद
धनकुटा । नेपाली कांग्रेस धनकुटाले धनकुटा जिल्ला समन्वय समितिको निर्वाचनमा मतदान गर्नु हुने सम्पूर्ण मतदाताहरुलाई धन्यवाद ज्ञापन गरेको छ ।
नेपाली कांग्रेस धनकुटाका जिल्ला सविच विजय सन्तोषी राईले विज्ञप्ति जारी गर्दै धनकुटा जिल्ला समन्वय समितिको निर्वाचनमा मतदान गर्ने सम्पूर्ण पालिकाका प्रमुख र उपप्रमुखहरुलाई विशेष धन्यवाद ज्ञापन गर्नु भएको हो ।
धनकुटा जिल्ला समन्वय समितिको आज भएको निर्वाचनमा नेकपा एमालेका निरेन तामाङको नेतृत्वमा रहेको एमालेको टिमले ९ मत प्राप्त गरी बिजयी भएको थियो । नेपाली कांग्रेस धनकुटाका हर्क चेम्जोङको नेतृत्वमा रहेको कांग्रेसको प्यानलले ५ मत प्राप्त गरी उपबिजेता भएको थियो ।
नेपाली कांग्रेस धनकुटाका जिल्ला सचिव राईले जिल्ला समन्वय समितिको निर्वाचन सम्पन्न भएसँगै अब संघिय र प्रदेश निर्वाचन जित्न विशेष योजना सहित सक्रियता पूर्वक लाग्न सवै नेता, कार्यकर्ताहरुलाई विज्ञप्ती मार्फत अपिल गर्नु भएको छ ।
