धनकुटाका यी स्थानबाट गरिदैछ मतदाता नामावली संकलन र अद्यावधिक
धनकुटा,१ असार । धनकुटामा पनि आज बाट फोटो सहितको मतदाता नामावली संकल तथा अद्यावधिक गर्ने कार्य सूरु भएको छ ।
जिल्ला निर्वाचन कार्यलय धनकुटाका अनुसार आज बुधवार देखि जिल्ला निर्वाचन कार्यालय धनकुटा, जिल्ला प्रशासन कार्यालय धनकुटा र ईलाका प्रशासन कार्यालय राजारानीबाट फोटो सहितको मतदाता नामावली संकलन र अद्यावधीक कार्य सुरु भएको हो ।
स्थानिय तहको निर्वाचन घोषण भए पछि २०७८ साल माघ २५ गते देखि स्थगित भएको नामावली संकलन तथा अद्यावधिक गर्ने कार्य आज बाट सुरु भएको हो ।
यो पनि…
सहमति बिना कुनै पनि सम्झौता हुँदैन ः प्रधानमन्त्री देउवा
काठमाडौँ, १ असार (रासस) ःप्रधानमन्त्री एवं नेपाली कांग्रेसका सभापति शेरबहादुर देउवाले राष्ट्रिय सहमति बिना कुनै पनि सम्झौता नहुने बताउनुभएको छ । प्रधानमन्त्री निवास बालुवाटरमा आज सत्ता गठबन्धन दलका शीर्ष नेताबीच भएको छलफलमा उहाँले देशलाई आघात पुग्ने कुनै पनि सम्झौतामा कुनै देशले चासो राखे वा दबाब दिए भने पनि आफूले नमान्ने स्पष्ट पार्नुभएको हो ।
शीर्ष नेताबीचको छलफलबारे राससलाई जानकारी दिँदै जनता समाजवादी पार्टी नेपालका अध्यक्ष उपेन्द्र यादवले सहमति नभई प्रधानमन्त्री देउवाले कुनै पनि सम्झौता गर्न नहुने जानकारी दिनुभयो । संयुक्त राज्य अमेरिकासँग हुने भनिएको स्टेट पार्टनरशिप प्रोग्राम (एसपिपी) बारे सार्वजनिक बहस चलिरहेका बेला प्रधानमन्त्री देउवाले सो प्रतिबद्धता जनाउनुभएको हो ।
नेकपा (माओवादी केन्द्र) का अध्यक्ष पुष्पकमल दाहाल, नेकपा (एकीकृत समाजवादी) का अध्यक्ष माधवकुमार नेपाललगायत शीर्षनेताहरुबीच भएको भेटमा संसद्मा जारी बजेटसम्बन्धी छलफल तथा बजेट पारित गर्ने लगायतका विषयमा छलफल भएको अध्यक्ष यादवले बताउनुभयो ।
