धनकुटाको हिलेबाट एक युवा पक्राउ ! शंकास्पद अन्य ६ जना पनि प्रहरी नियन्त्रणमा
धनकुटा । धनकुटा १ हिलेबाट एक जना युवालाई प्रहरीले नियन्त्रणमा लिएको छ ।
धनकुटा नगरपालिका १ हिले विक टोलका वर्ष २२ का गोविन्द विकलाई विहिवार साँझ ब्रा’उन सु’गर जस्तो देखिने तीन पोका वस्तु सहित नियन्त्रणमा लिईएको जिल्ला प्रहरी कार्यलय धनकुटाले जनाएको छ ।
प्रहरीले चेकजाँच गर्ने क्रममा ब्रा’उन सु’गर जस्तो देखिने तीन पोका वस्तु फेला पारेपछि विकलाई नियन्त्रणमा लिईएको जिल्ला प्रहरी कार्यालय धनकुटाका डिएसपी चिरञ्जिवी दाहालले जानकारी दिनुभयो ।
उहाँले भन्नुभयो “ब्रा’उन सु’गर जस्तो देखिने तीन पोका वस्तु फेला परेको छ, सो वस्तुको वेट कति छ ? ब्रा’उन ‘सुगर हो वा होईन ? अनुसन्धान नगरी भन्न मिल्दैन ।, आज अनुसन्धान हुँन्छ ।“ सो वस्तु के हो ? र तौल कति छ ? भन्ने अनुसन्धान पछि स्पष्ट हुने उहाँले बताउनु भयो ।
यदि हो भने विक माथि म्याद थप गरि कारवाही हुने उहाँले वताउनुभयो । उहाँका अनुसार अन्य ६ जनालाई पनि शंका लागेर नियन्त्रणमा लिईएको छ । उनिहरुमाथि पनि आजै अनुसन्धान हुने प्रहरीले जनाएको छ भने उक्त ६ जनाको नाम प्रहरीले खुलाएको छैन ।
