गठबन्धनबाट निर्वाचित कार्यपालिकाका सदस्यहरुलाई अनुशिक्षण प्रदान
धनकुटा । धनकुटा नगरपालिकामा गठबन्धनबाट निर्वाचित कार्यपालिकाका सदस्यहरुलाई अनुशिक्षण प्रदान गरिएको छ ।
धनकुटामा नेपाली कांग्रेस धनकुटाले गठबन्धनबाट निर्वाचित कार्यपालिकाका सदस्यहरुलाई अनुशिक्षण दिएको हो ।
पार्टीका जिल्ला सभापति दिनेश राईको अध्यक्षतामा सम्पन्न अनुशिक्षण कार्यक्रममा धनकुटा नगरपालिकामा गठबन्धनबाट जितेका विभिन्न वडाहरुका वडाध्यक्ष सहित १३ जना कार्यपालिका सदस्यहरुको सहभागिता थियो ।
अनुशिक्षण कार्यक्रममा नेपाली कांग्रेस धनकुटाका जिल्ला सभापति राई,जिल्ला सचिव तथा धनकुटा नगर संयोजक विजय सन्तोषी राईले स्थानीय सकार संचालन ऐन,धनकुटा नगरपालिकाले निर्माण गरेको विभिन्न ऐन नियमहरुको वारेमा प्रशिक्षण दिएका थिए ।
कार्यक्रममा धनकुटा नगरपालिका वडा नं ३ का वडाध्यक्ष विकास घिमिरे,वडा नं ५ का वडाध्यक्ष धन कुमार राई,वडा नं ६ का वडाध्यक्ष मिलन खड्गी,वडा नं ७ का वडाध्यक्ष रोशेष श्रेष्ठ,वडा नं १० का वडाध्यक्ष नगेन्द्र पाण्डे,लेखा समिति का संयोजक गोविन्द्र राई ,कार्यपालिका सदस्यहरु सुरेन आठपहरिया,मन कला लिम्बु,रेजिना हिङ्गमाङ्ग,दिल कुमार राई,भोगेन्द्र राई,ज्ञानु राई,मञ्जु कार्की,कृष्णमाया श्रेष्ठ लगायतले आ आफ्नो धारणा राखेका थिए ।
कार्यक्रममा सभापति दिनेश राईले जनताले चाहेको र जनताका आवाश्यक्ताका अनुसार विकास निर्माण गर्न जनप्रतिनिधिहरुलाई निर्देश दिनु भयो ।
