धनकुटाको हिलेमा बसले स्कुटीलाई ठक्कर दिंदा पाख्रीबासका दुई जना घाइते
धनकुटा । धनकुटा नगरपालिका १ हिले वीच बजारमा बसले स्कुटीलाई ठक्कर दिंदा स्कुटीमा सवार दुई जना घाईते भएका छन् ।
घाईते हुनेहरुमा धनकुटाको पाख्रीवास नगरपालिका वडा नं ८ का वर्ष ४० का लिलाराम राई र वडा नं २ का वर्ष ३४ का गोपाल कार्की रहेको हिले प्रहरी चौकीले जनाएको छ ।
दमकबाट संखुवासभा जाँदै गरेको ना ४ ख १४९० नं बसले पाख्रीवास तर्फ जाँदै गरेको को ३७ प २४०७ नं को स्कुटीलाई बाटो काट्ने क्रममा ठक्कर दिदा दुर्घटना भएको हो ।
घाईते दुवैजनाको हिले पोलिक्लिनिकमा उपचार भईरहेको प्रहरीले जनाएको छ । बसका चालक र दुर्घटनामा संलग्न सवारी साधन प्रहरीको नियन्त्रणमा छ ।
