भेडेटार चोक पोईन्टबाट वेवारिसे अवस्थामा फेला परेको मोटरसाईकल धनिलाई बुझाइयो
धनकुटा । धनकुटाको सागुरीगढी गाउँपालिका वडा नं ६ स्थित भेडेटार चोक पोईन्टबाट फेला परेको मोटरसाईकल प्रहरीले मोटरसाईकल धनिलाई बुझाएको छ ।
गत २४ गते मे ७ प ६९९४ नं को २२० सिसिको कालो निलो रगंको पल्सर मोटरसाईकल बेवारिसे अबस्थामा फेला पारी अनुसन्धानको क्रममा ईलाका प्रहरी कार्यलय भेडेटार धनकुटामा राखिएको मोटरसाईकल ईलाम सुर्योदय नगरपालिका वडा नं १० बस्ने बर्ष २९ को कुंगा छिरिङ लामालाई बुझाईएको प्रहरीले जनाएको छ ।
यो पनि हेर्नुहोस् – मोटरसाइकल चोरीमा संलग्न चार जना पक्राउ
मोरङ, विराटनगरमा मोटरसाइकल चोरीमा संलग्न रहेको आरोपमा प्रहरीले चार जनालाई पक्राउ गरेको छ ।
जिल्ला प्रहरी कार्यालय मोरङका अनुसार विभिन्न स्वास्थ्य संस्थामा पार्किङमा राखिएका मोटरसाइकल चोरी गरेको आरोपमा प्रहरीले विराटनगरका २२ वर्षीय नवीन माझी, सुनसरी दुहबीका १८ वर्षीय मोहम्मद सलाउद्दिन, २५ वर्षीय मोहम्मद हजरत र ३४ वर्षीय मोहम्मद नसुरुद्दिनलाई पक्राउ गरिएको हो ।
महानगरपालिका–४ स्थित सामुदायिक मेडिकल, नोबेल शिक्षण अस्पतालको कम्पाउन्डभित्र पार्किङ गरिएको मोटरसाइकल चोरी गरेको प्रहरी नायब उपरीक्षक राजन कार्कीले जानकारी दिए ।
अनुसन्धानका क्रममा प्रहरीले उनीहरूको साथबाट नम्बर नखुलेको एउटा १ सय ५० सिसीको मोटरसाइकलसँगै, को ६ प ६८०२ र प्र १–०१०–१३ प ४५०७ नम्बरको मोटरसाइकलसमेत बरामद गरेको हो ।
पक्राउ परेका चार जनाविरुद्ध मोरङ जिल्ला अदालतबाट चोरी कसुरमा ५ दिने म्याद थप गरी अनुसन्धान भइरहेको छ ।
