धनकुटा जिल्ला भरिनै आज यति समयका लागि विद्युत सेवा अवरुद्ध हुने
धनकुटा । आज जिल्ला भरिनै विद्युत सेवा अवरुद्ध हुने नेपाल विद्युत प्राधिकरण धनकुटा शाखाले जनाएको छ ।
शाखाले आफ्नो फेसबुकमा लेखेको छ – आज मिति २०७९/०४/१४ गते शनिबार दुहबी स्थित बिनायक अक्सिजन प्लान्ट छेउ ३३ केभी लाइनमा मर्मत सुधार कार्य गर्न धरान वितरण केन्द्रले १०:०० देखि ४:०० बजे सम्म लाइन shutdown गर्ने हुँदा धनकुटा जिल्ला भरि विद्युत अवरुद्ध हुनेछ ।
बिद्युत प्राधिकरण धरानले लेखेको छ – दुहबी स्थित विनायक अक्सिजन फ्याक्ट्री परिसर भित्र ३३ केभी धरान फिडर र ११ केभी तरहरा १ फिडर को तार बिच को क्लियरेन्स एकदमै कम भएकोले तार जुधेको र फल्ट भैरहेको हुँदा Emergency maintenance कार्य अन्तर्गत पोल जडान गरी क्लियरेन्स बढाउने कार्य को लागि भोली मिती २०७९ ।०४ ।१४ गते शनिवार बिहान १० बजे देखी दिउसो ४ बजे सम्म ३३ केभी धरान फिडर शटडाउन हुने भएकोले धरान तथा बराहक्षेत्र मा विध्युत अवरुद्द हुने व्यहोरा समस्त ग्राहकवर्गहरु मा जानकारी गरिन्छ । यस बाट ग्राहक वर्ग मा पर्न जाने असुबिधा प्रती ने वि प्रा धरान वितरण केन्द्र क्षमाप्रार्थी छ ।
