धनकुटाको पाख्रीबासमा नेकपा एमाले प्रदेश १ स्तरीय संगठनात्मक व्यवस्थापन तथा परिचालन विषयक दुई दिने कार्यशाला आज देखि सुरु
धनकुटा । नेकपा एमाले प्रदेश १ स्तरीय संगठनात्मक व्यवस्थापन तथा परिचालन विषयक दुई दिने कार्यशाला धनकुटाको पाख्रीबास नगरपालिकामा आज देखि सुरु भएको छ ।
नेकपा एमाले प्रदेश १ कमिटीको आयोजना , जिल्ला कमिटी धनकुटाको व्यवस्थापनमा सञ्चालित दुईदिने कार्यशालामा भोलि सम्म सञ्चालन हुने छ ।
कार्यशालामा पार्टीका १४ जिल्लाका जिल्ला अध्यक्ष , उपाध्यक्ष, सचिव सहित संगठन विभाग प्रमुख , प्रदेश कमिटी पार्टीका पदाधिकारीहरु , प्रदेश संगठन विभाग सदस्यहरुको सहभागीता छ ।
त्यस्तै गरि १४ जिल्लाका पार्टीका केन्द्रीय सदस्य तथा जिल्ला ईन्चार्ज , सहइन्चार्ज , प्रदेश कमिटीका ईन्चार्ज र सह ईन्चाजको पनि सहभागीता रहेको छ ।
कार्यशालामा स्थायी कमिटी सदस्य तथा प्रदेश ईन्चार्ज देव राज घिमिरेले पार्टी संगठनमा देखिएका समस्या र समाधानका उपाय विषयमा कार्यपत्र प्रस्तुत गर्नु भएको थियो ।
त्यस्तै गरि प्रदेश संगठन विभाग प्रमुख खगराज अधिकारीले पार्टी संगठनका समस्या र समाधानका सम्बन्धमा कार्यपत्र प्रस्तुत गर्नु भएको थियो ।
कार्यशाला उद्घाटनसत्रमा जिल्ला ईन्चार्ज राजेन्द्र राई , केन्द्रीय कमिटी संगठन विभाग सचिव सम्झना देवकोटाले मन्तव्य राख्नुभएको थियो । स्वागत तथा कार्यक्रमको उद्देश माथि पार्टीका प्रदेश उपाध्यक्ष टिकाराम चेम्जोङले प्रकाश पार्नु भएको थियो । दुई दिने कार्यशाला नेकपा एमाले प्रदेश १ अध्यक्ष तुलसी नेपालीको अध्यक्षतामा सञ्चालन भईरहेको छ ।
