काठमाण्डौ महानगरले पाख्रीवासलाई सहयोग गर्ने
धनकुटा । काठमाण्डौ महानगरपालिकाकी उपमेयर सुनिता डंगोलले धनकुटाको पाख्रीवास नगरपालिकालाई सहयोग गर्ने बताउनु भएको छ ।
आज काठमाण्डौंमा भएको दुईपक्ष बीचको भेटमा उहाँले पाख्रीवास नगर र काठमाण्डौं महानगर बीचको भगिनी सम्बन्धलाई सम्वन्धलाई कायम राख्दै महानगरको तर्फबाट पाख्रीवासलाई सहयोग गर्ने बताउनु भएको हो ।
उप मेयर डंगोललाई महानगरमा पुगी पाख्रीवास नगरपालिकाका मेयर ज्ञान वहादुर गुरुङ्ग,नेपाली कांग्रेस धनकुटाका सभापति दिनेश राई,जिल्ला सचिवहरु विजय सन्तोषी राई,जयन्द्र घिसिङ्गले भेटघाट तथा छलफल गरेका थिए ।
छलफलको क्रममा पाख्रीवास नगरपालिकाका मेयर गुरुङ्गले काठमाण्डौ महानगरपालिकाको तर्फबाट पाख्रीवास नगरपालिकालाई भैरहेको सहयोग प्रति धन्यवाद ज्ञापन गर्दै आगामी दिनमा पनि सम्वन्धमा अझ राम्रो हुने र सहयोग प्राप्त भैरहने विश्वास व्यक्त गर्नु भयो ।
बक्रकुण्डमा मेला
नारायण कुमार राई/धनकुटा,१७ साउन । धार्मिक पर्यटन प्रवद्र्धन गर्ने उदेश्यले नागपञ्चमीको अबसरमा हिलेको बक्रकुण्ड महेश्वर मन्दिरमा मेलाको आयोजना गरिएको छ ।
मन्दिरको १२ औ स्थापना दिवशको अवसर पारेर आयोजक बक्रकुण्ड महेश्वर मन्दिर हिलेले उक्त मेलाको आयोजना गरेको हो ।कार्यक्रमका प्रमुख अतिथी तथा धनकुटा नगरपालिकाका मेयर चिन्चन तामाङ्गले पानसमा बत्ति बालेर कार्यक्रमको उत्घाटन गर्नुभएको थियो ।
कार्यक्रमको उत्घाटन गर्दै मेयर तामाङ्गले उक्त क्षेत्रको धार्मिक पर्यटनको बिकासका लागि नगरपालिकाको निरन्तर सहयोग रहने प्रतिवद्धता जनाउनुभयो ।
कार्यक्रममा नेपाली सेना पूर्वी कमाण्ड हिलेका प्रमुख,वडा नं.१ र १० का अध्यक्ष तथा नेपाल पत्रकार महासंघ धनकुटाका अध्यक्ष नगेन्द्र राई लगाएतले शुभकामना दिनुभएको थियो ।
कार्यक्रममा आयोजक समितिका अध्यक्ष लालचन गोङ्वा(तामाङ्ग) ले मन्दिर ब्यबस्थापन तथा सरसफाईमा सहयोग गर्ने सबै ब्यक्ति तथा संस्थाहरुलाई धन्यवाद ज्ञापन गर्नुभयो ।
