धनकुटाको पहिचान, गौरव र समृद्धीका लागि अभियान सञ्चालन गर्ने
धनकुटा । कलाकारहरुले धनकुटाको पहिचान, गौरव र समृद्धीका लागि अभियान सञ्चालन गर्ने बताएका छन् ।
धनकुटा काठमाण्डौ साँस्कृतिक समाजले नेपाल पत्रकार महासंघ धनकुटा संचार हलमा आयोजना गरेको छलफल कार्यक्रममा कलाकारहरुले त्यस्तो बताएका हुन् ।
धनकुटा काठमाण्डौ सास्कृतिक समाजका अध्यक्ष कर्ण वहादुर राईको संयोजकत्वमा सम्पन्न कार्यक्रममा नेपाल पत्रकार महासंघका पूर्व अध्यक्ष तथा धनकुटा उद्योग बाणिज्य संघका अध्यक्ष विजय सन्तोषी राई,नेपाल पत्रकार महासंघ धनकुटाका उपाध्यक्ष विदुर खवास, धनकुटा काठमाण्डौ साँस्कृतिक समाजका सल्लाहकार रमेशचन्द्र अधिकारी लगायतले कला कर्मीहरुले पनि धनकुटाका समृद्धी,विकास, गौरव र पहिचानका लागि योगदान दिन अनुरोध गरेका थिए ।
समाजका अध्यक्ष कर्ण वहादुर राई, सचिव पदम कुमार राई,कोषाध्यक्ष बिमला राई, सदस्यहरु राजेन्द्र राई लगायतले यो साँस्कृतिक समाजले धनकुटाको लागि यहाँकै कला, सँस्कृती, भेषभूषा, ठाउलाई समेटेर गित तयार गर्ने,डकुमेन्टी निर्माण गर्ने, धनकुटामा लुकेर रहेको प्रतिभाहरुलाई सहयोग गर्ने, पुराना र अग्रज कलाकारहरुलाई सम्मान गरी कलाकारिताको माध्यमबाट धनकुटालाई चिनाउने र जोड्ने काम गर्ने वताउनु भयो ।
