जुनसुकै गठबन्धनलाई परास्त गर्ने योजना सहित छथरजोरपाटी गाउँपालिकामा पालिका स्तरीय भेला सम्पन्न
धनकुटा । नेकपा एमाले धनकुटाको सात वटै पालिका कमिटीको आयोजनामा पालिका स्तरीय कार्यकर्ता भेला तथा पार्टी प्रशिक्षण कार्यक्रमसञ्चालन भईरहेको छ ।
सोहि अभियान अन्तरगत शुक्रबार छथरजोरपाटी गाउँपालिकामा पालिका स्तरीय भेला सम्पन्न भएको छ ।
पार्टीका केन्द्रीय सदस्य जिल्ला ईन्चार्ज राजेन्द्र राई , प्रदेश कमिटी सचिवालय सदस्य चन्द्र बस्नेत , प्रदेश कमिटी सदस्य हिमादेवि बस्नेत , पार्टीका जिल्ला कमिटी अध्यक्ष ईन्द्रमणी पराजुली , पार्टीका उपसचिव तथा पालिका ईन्पाचार्ज शिव आङला , स्कुल विभागका पदाधिकारी सेर बहादुर लिम्बू लगायतले सहभागी नेता कार्यकर्तालाई पार्टीको स्थानीय तह निर्वाचन समिक्षा गर्दै आगामी निर्वाचनको विषयमा प्रशिक्षण दिएकाछन् ।
भेलाले आगामी संघ र प्रदेश निर्वाचनमा नेकपा एमाले पार्टीलाई बहुमतले विजयी गराउने घोषणा समेत गरेको छ । जुनसुकै गठबन्धनलाई परास्त गर्ने योजना सहित भेला सम्पन्न भएको छ ।
