राष्ट्रिय भूमि आयोग धनकुटाले सार्वजनिक गर्यो कामको विवरण
धनकुटा,७ भदौ । राष्ट्रिय भूमि आयोग धनकुटाले जिल्ला समिती गठन भए पश्चात गरेका कामको आज धनकुटामा पत्रकार संमेलन गरी सार्वजनिक गरेको छ ।
आयोगले भूमिहिन सुकुम्बासी र भूमिहिन दलितका माग भई आएका ८ हजार ६ सय ८ मध्ये १ हजार जनालाई रातो र ६ हजार जना लाई सेतो फारम वितरण गरेको जनाएको छ साथै १ सय ५२ जना भूमिहिन दलित ४ सय ५५ भूमीहिन सुकुम्बासी र ५ हजार ८६ परिवारको लीगत संकलन र नापजाँच गरिएको राष्ट्रिय भूमि आयोग धनकुटा जिल्ला समितीका विज्ञ सल्लाकार अधिवक्ता रमेश श्रेष्ठले जानकारी दिनु भयो ।
पत्रकार संमेलनमा भूमि आयोग धनकुटाका अध्यक्ष बलबहादुर राई, अधिकृत प्रतिनिधी विक्रम अमात्य सदस्यहरु डिल्ली राम राई, खिममाया शिवा लगातयको उपस्थिती रहेको थियो ।
यो पनि…
अलैँचीको लगातार मूल्य घट्न थालेपछि किसान चिन्तित
मङ्गलबारे, ७ भदौ (रासस) ः इलाममा अलैँची टिप्न सुरु भएको छ ।
जिल्लाका तल्लो क्षेत्रमा यसको टिपाइ सुरु भएको हो । पूर्वी पहाडी क्षेत्रका किसानको आम्दानीको मुख्य नगदेबालीका रुपमा रहेको अलैँचीको टिपाइ सुरु भए पनि भाउ ओरालो लागेपछि किसान चिन्तित भएका छन् ।
रोङ गाउँपालिका, सूर्योदय, इलाम, देउमाई नगरपालिकाको खोला किनार क्षेत्रको बगानमा किसानले अलैँची टिप्न सुरु गरेका छन् । उच्च मूल्य हुँदा प्रति मन (४० किलोग्राम) रु एकलाख माथिले बिक्री भएको अलैँचीलाई खोल्साको कालो सुनको उपनामसमेत दिइएको छ । तर सोही अलैँची हाल करिब ३० हजार प्रति मन बिक्री हुने गरेको छ ।
अघिल्लो वर्षको तुलनामा यसवर्ष भाउ घटेको छ । बर्सेनि भाउ ओरालो लाग्न थालेपछि किसान चिन्नित बनेका छन् । पछिल्लो समय अन्नबाली मासेर किसानले बारीमा अलैँची लगाउन थालेका छन् । एकातिर विभिन्न रोगले अलैँची मासिने र अर्कातिर भाउ घट्दै गएपछि अलैँचीको विकल्प खोज्नेतिर किसान पुगेका छन् ।
भारतको बाटो भएर विदेश निर्यात हुने अलैँचीले देशको अर्थतन्त्रमासमेत महत्वपूर्ण भूमिका निर्वाह गर्दै आएको छ । तर सरकारी क्षेत्रबाट मासिँदै गरेको अलैँची ब्यूँताउन खास किसान समक्ष कार्यक्रम नै नल्याएको किसानको गुनासो छ । गएको वर्ष खरिद गरेर राखिएको अलैँची यसवर्ष बढी मूल्यमा बेच्ने आशामा राखिएको भए पनि मूल्य घटेपछि व्यवसायीसमेत चिन्तित छन् । यसवर्ष प्रतिमन ३२ हजारले खरिदबिक्री भइरहेको इलाम बिब्ल्याँटेका व्यापारी कृष्ण पौडेलले बताउनुभयो । उहाँका अनुसार राम्रो माल मात्र सो मूल्यमा किन्न सकिन्छ ।
अलैँची टिप्ने कामदारलाई पनि उच्च मूल्य दिइने गरिएको छ । वर्षभरी पानी लगाउने, मलजल र स्याहार गर्ने खेताला लगाएर अलैँची टिप्ने साथै छोडार सुकाउन्जेलमा किसानलाई धेरै नाफा नहुने उहाँहरुको भनाइ छ । नेपालमा ४० जिल्लामा यसको खेती हुँदै आएको बताइएको छ । प्रदेश नं १ को इलामसहित पाँचथर तेह्थुम, धनकुटा, ताप्लेजुङ, सङ्खुवासभा, खोटाङमा यसको व्यावसायिक उत्पादन हुने गरेको छ ।
नेपालमा १८ हजार दुई सय ७३ हेक्टरमा अलैँची खेती हुने गरेको कृषि मन्त्रालयको तथ्याङ्कमा उल्लेख छ । साथै सात हजार नौ सय ५४ मेट्रिक टन वार्षिक अलैँची उत्पादन हुँदै आएको बताइएको छ । सरकारले नेपालको अलैँची नेपालमा नै प्रशोधन गर्न पहल गरे यसको मुल्य पुन बढ्न्े किसानको भनाइ छ ।
