नेकपा एमाले धनकुटाको पालिका स्तरीय कार्यकर्ता भेला तथा प्रशिक्षण कार्यक्रम सात वटै स्थानिय तहमा सम्पन्न
धनकुटा । नेकपा एमाले धनकुटाको पालिका स्तरीय कार्यकर्ता भेला तथा प्रशिक्षण कार्यक्रम जिल्लाको सात वटै स्थानिय तहमा सम्पन्न भएको छ ।
आज जिल्लाको पाख्रीबास नगरपालिकामा बृहत् कार्यकर्ता भेला तथा प्रशिक्षण दिदै पार्टीको सातैतहको पालिका स्तरीय भेला सम्पन्न भएको पार्टीका जिल्ला अध्यक्ष ईन्द्रमणी पराजुलीले जानकारी दिनु भयो ।
भेला तथा प्रशिक्षणका क्रममा सातै तहका नेता कार्यकर्तालाई समाजवाद निर्माणका योजना, स्थानिय तह निर्वाचनका सन्देश, शिक्षा र आगामी निर्वाचनको तयारी, पार्टीमा देखा परेका समस्या र समाधान, अनुशासित पार्टी निर्माण गर्ने लगायतका विषयमा छलफल तथा प्रशिक्षण दिइएको छ ।
प्रशिक्षण कार्यक्रमको अन्तिम दिन दिन आज पाख्रीबासका नेता कार्यकर्ताहरुलाई भेलाका प्रमुख अतिथि जिल्ला ईन्चार्ज राजेन्द्र राई , प्रदेश कमिटी सदस्य टंक चौहान , पार्टी अध्यक्ष पराजुली , पार्टीका जिल्ला सचिव निरन राई , नगर अध्यक्ष शान्तिराम गौतमले प्रशिक्षण दिएका थिए । कार्यक्रममा नेताकार्यकर्ताको उत्साहजनक उपस्थिति रहेको थियो ।
