तनाव व्यवस्थापन,सकारात्मक सोच, लागु औषध दुर्व्यसन तथा आ’त्मह’त्या न्युनिकरण सम्बन्धि अभिमुखिकरण कार्यक्रम सम्पन्न
धनकुटा । धनकुटा नगरपालिका वडा नं २ भिरगाँउको टंक माध्यामिक बिद्यालयमा तनाव व्यवस्थापन,सकारात्मक सोच, लागु औषध दुर्व्यसन तथा आ’त्मह’त्या न्युनिकरण सम्बन्धि अभिमुखीकरण कार्यक्रम सम्पन्न भएको छ ।
सामुदायिक विकास तथा परिवर्तन केन्द्र नेपालको आयोजना, धनकुटा नगरपालिकाको सहयोग र जिल्ला प्रहरी कार्यालय धनकुटाको सहजिकरणमा अभिमुखीकरण सम्पन्न भएको हो ।
अभिमुखीकरणमा श्रीमान टंक माविका कक्षा ६ देखी १० सम्म बिद्यार्थी,अभिभावक र स्थानियवासी ३ सय ४० जनाले सहभागिता जनाएको विद्यालयका प्रधानाध्यापक नरबहादुर विश्कर्माले जानकारी दिनुभयो।
कार्यक्रममा जिल्ला प्रहरी कार्यालय धनकुटाका प्रहरी नायव उपरिक्षक चिरञ्जीवी दाहालले तनाव व्यवस्थापन, सकारात्मक सोच, लागु औषध दुर्व्यसन तथा आत्माहत्या न्यूनिकरण सम्बन्धि अभिमुखीकरण दिनुभएको थियो ।
कार्यक्रमको सञ्चालन शिक्षक सरोज दाहालले गर्नुभएको थियो । कार्यक्रममा वडा नं २ का वडाध्यक्ष चन्द्रलाल तामाङ सहित वडा सदस्य,विद्यालयका शिक्षकहरुको उपस्थिती थियो ।
