पाख्रीबास नगरपालिकाका प्रमुख प्रशासकिय अधिकृत पौडेललाई उत्कृष्ट निजामती सेवा पुरस्कार
धनकुटा,२२ भदौ । धनकुटाको पाख्रीबास नगरपालिकामा कार्यरत प्रमुख प्रशासकिय अधिकृत प्रकाश राज पौडेल यस बर्षको उत्कृष्ट निजामतीमा छनौट हुनु भएको छ ।
मन्त्री परिषदको निर्णय अनुसार उहाँ सहित पदम कुमार श्रेष्ठ, दीपक प्रसाद खतिवडा, हरि प्रसाद ज्ञवाली, मुना शर्मा, शोभाखर रेग्मी, सन्तोष पौडेल, सचिन्द्र कुमार यादव, रुकु शर्मा पौडेल र महंगु लोध गरी १० जना उत्कृष्टको सुचीमा पर्नु भएको हो ।
साथै निजामती पुरस्कार ३० जनालाई प्रदान गरिने संघीय मामिला तथा सामान्य प्रशासन मन्त्रालयले जनाएको छ ।सम्मानका लागि यस वर्ष पनि सरकारले सर्वोत्कृष्ट कर्मचारीको छनोट गर्न भने सकेन ।
यो पनि…
अधिकार कार्यान्वयन नभएकोमा चिन्तित
सिन्धुपाल्चोक, २२ भदौ (रासस) :सिन्धुपाल्चोक, २२ भदौ (रासस): मानिसको व्यस्त जीवनशैलीले परिवारका ज्येष्ठ नागरिकको उचित व्यवस्थापन हुन नसक्दा समाजमा एक्लो हुनुका साथै अधिकारबाट समेत बञ्चित हुन पुगेका छन् ।
नेपालमा ज्येष्ठ नागरिकको अधिकार र कल्याणका लागि कानुनीरूपमा थुप्रै व्यवस्था गरिएका छन् । नेपालको संविधानको मौलिक हकको धारा ४१ मा ज्येष्ठ नागरिकलाई राज्यबाट विशेष संरक्षण तथा सामाजिक सुरक्षाको हक हुनेछ भनी स्पष्ट उल्लेख गरिएको छ । तर, राज्यले बनाएका नियम कार्यान्वय नभएकोप्रति मेलम्ची–१० का ज्येष्ठ नागरिक टोमशङ्खर दुलाल चिन्ता व्यक्त गर्नुहुन्छ । उहाँले कानुन बनाएर मात्र नहुने भन्दै कार्यान्वयनमा जोड दिनुहुन्छ ।
ज्येष्ठ नागरिकसम्वन्धी ऐनमा ज्येष्ठ नागरिकको सम्मान गर्नुपर्ने, ज्येष्ठ नागरिकलाई परिवारले पालनपोषण गर्नुपर्ने, पालनपोषण नगरे उजुरी गर्न सक्ने र पालनपोषण नगर्नेलाई कारवाही हुने, आफ्नो सम्पत्ति आफूखुसी गर्न पाउने, नागरिकलाई भिक्षा माग्न लगाउन नहुने, सार्वजनिक सेवामा ज्येष्ठ नागरिकलाई छुट दिनेजस्ता प्रावधान छन् । तर, व्यवहारमा भने लागू नभएको मेलम्ची–१२ का मोहन ढकाल बताउनुहुन्छ ।
उहाँ ज्येष्ठ नागरिकका लागि भवन, भजनर्कीतन गर्ने ठाउँको व्यवस्था गरिदिनुपर्ने बताउनुहुन्छ । हेलम्बुका गीता तामाङ घरपरिवारमा ज्येष्ठ नागरिकलाई धेरै हेला हुने गरेको भन्दै हेलागर्नेलाई कडा कानुन बनाएर कारवाही हुनुपर्ने बताउनुहुन्छ ।
मेलम्ची नगरपालिकाले ज्येष्ठ नागरिकका लागि सहजरूपमा सामाजिक सुरक्षा भत्ता वितरण गर्ने, स्वास्थ्यमा सुविधा दिने, ज्येष्ठ नागरिकको जीवनलाई सुरक्षित र सम्मानित बनाउन ज्येष्ठ नागरिक सम्मान कार्यक्रम सञ्चालन गरिरहेको छ । ज्येष्ठ नागरिक सञ्जालनै बनाएर नीति र कार्ययोजना निर्माण गर्नेजस्ता काम गरेको छ । अघिल्लो सरकारको कामलाई निरन्तरता दिँदै आगामी दिनमा अझै प्रभावकारी काम गर्ने मेलम्ची नगरपालिकाका उपप्रमुख उमा प्रधान बताउनुहुन्छ ।
