निजामती सेवा दिवस धनकुटामा समेत मनाइयो
धनकुटा,२२ भदौ । १९ औं निजामती सेवा दिवस धनकुटामा समेत मनाईएको छ । ‘व्यावसायिक र सिर्जनशील प्रशासन स् विकास, समृद्धि र सुशासन’ भन्ने नाराका साथ आज निजामती सेवा दिवस मनाइएको हो ।
जिल्ला समन्वय समिती धनकुटाको सभाहलमा भएको कार्यक्रमा उच्च अदालतका धनकुटाका मुख्य न्यायाधीश रमेशकुमार खत्रीको प्रमुख आतिथ्तामा कार्यक्रम आयोजना गरिएको थियो ।
कार्यक्रममा न्यायाधिसहरु अन्जु उप्रेती ढकाल, न्यायाधीश फूर्वा तामाङ, न्यायाधीश योगेन्द्रप्रसाद साह, जिल्ला स्थित सुरक्षा निकायका प्रमुखहरु, कार्यालय प्रमुखहरु, आधिकारिक ट्रेड युनियनका प्रमुख तथा प्रतिनिधी , धनकुटा जिल्ला स्थित सरकारी कार्यालयका निजामती कर्मचारीहरुको सहभागिता रहेको थियो ।
जिल्ला प्रशासन कार्यालय, धनकुटाका निमित्त प्रमुख जिल्ला अधिकारी हरिगोपाल कर्माचार्यको अध्यक्षतामा सम्पन्न भएको कार्यक्रमको संचालन जिल्ला समन्वय समितिका धनकुटाका समन्वय अधिकारी सफल पोर्तेलले गर्नु भएको थियो ।
निजामती सेवा दिवसका अवसरमा आयोजित विभिन्न प्रतियोगिताहरुमा विजेता प्रतियोगीहरुलाई पुरस्कार समेत वितरण गरेको जनाइएको छ ।
