किरात राई यायोख्खा धनकुटाको ७ औं जिल्ला अधिवेशन सम्पन्न, उद्धवमणी राईको अध्यक्षतामा १६ सदस्यीय नयाँ कार्य समिति चयन
धनकुटा । किरात राई यायोख्खा धनकुटाको ७ औं जिल्ला अधिवेशनबाट उद्धवमणी राईको अध्यक्षतामा नयाँ कार्य समिति चयन गरिएको छ । मंगलबार साँझ सम्पन्न अधिवेशनले अधिवेशनले १६ सदस्यीय नयाँ कार्य समिति चयन गरेको हो ।
समितिको उपाध्यक्षमा पृथुराम राई र मन कुमारी राई,सचिवमा कला राई,सहसचिवमा अनिषपुमा राई,लजेश राई र कोषाध्यषमा जुनमाया राई रहेका छन् ।
अन्य सदस्यहरुमा टोपेन्द्र राई,चन्द्र कुमारी राई, बसन राई, अञ्जना राई, मुलुकमान राई, बलप्रसाद राई,अमृत राई भोगेन्द्र राई र देवी राई रहेका छन् ।
किरात राई यायोख्खा धनकुटाका निवर्तमान अध्यक्ष नगेन्द्र राईको अध्यक्षतामा सञ्चालित अधिवेशनको उद्घाटन यायोख्खाका केन्द्रिय सचिव मातृका राईले गर्नुभएको थियो भने यलम्बरको शालिक अनावरण समेत गर्नुभएको थियो ।
कार्यक्रममा नेपाल आदिबासी जनजाति महासंघ जिल्ला समन्वय समिति धनकुटाका अध्यक्ष सञ्जयसन्तोषी राईले जनजातिहरुको भाषा,धर्म,संस्कार र सस्कृती प्रति राज्यले विभेद गरेको उल्लेख गर्दै यसलाई सच्याउन जोडदार माग गर्नुभएको थियो ।
कार्यक्रममा आदिबासी जनजाति महासंघका पूर्व अध्यक्ष पार्वती राई,पत्रकार महासंघ धनकुटाका अध्यक्ष नगेन्द्र राई लगायतले मन्तव्य राखेका थिए ।
तस्बीर :नरेन्द्र काश्चितको फेसबुकबाट साभार
