दूर-दराजका नागरिकहरु संग भेटघाट गर्दै एमालेका उमेद्वारहरु
नारायण कुमार राई,धनकुटा । नेकपा एमाले प्रतिनीधि सभाका उमेद्वार राजेन्द्रकुमार राई र प्रदेश सभा ‘क’ का उमेद्वार निरन राईले साँगुरीगढी गाउँपालिका वडा नं.९ र १० का बिभिन्न गाउँका नागरिकहरु संग भेटघाट गर्नुभएको छ ।
उमेद्वारद्वय सहित समानुपातिक उमेद्वार तारा तितुङ्ग,साँगुरी गाउँपालिका पूर्व अध्यक्ष कुमारजंग याखा लगाएत स्थानिय नेताहरुको टोलीले शुक्रबारबाट पालिकाका बिकट क्षेत्रका नागरिकहरु संग भेटघाट कार्यक्रम शुरु गर्नुभएको हो ।
टोलीले वडा नं.९ सालुम हर्दिया,चाँदी भञ्ज्याङ्ग खयरबोटे,आहाले,बेस्राङ,थाप्चुवा र वडा नं. १० को खलेखा,ताम्राङ धारापानी गाउँका नागरिकहरु संग भेटघाट गर्नुभएको हो ।
भेटमा उमेद्वारहरुले पहिलो कार्यकालमा आफूहरुले शुरु गरेको काम पुरा गर्न,गाँजा खेतीलाई बैधानिक दिन कानुन निर्माण गर्न,नागरिकका समृद्धिका लगाएतका बिषयका लागि सूर्य चिन्हमा मत दिएर आफूहरुलाई बिजयी गराउन अनुरोध गर्नुभएको थियो ।
भोली वडा नं.८ को खुँडी,,केराबारी,तातोपानी लगाएतका स्थानिय नागरिकहरु संग भेटघाट कार्यक्रम रहेको नेकपा एमाले साँगुरी गाउँपालिकाका उप सचिव जेवी राईले जानकारी दिनुभयो ।
