निर्वाचन नजिकिए संगै उम्मेदवारहरुको घरदैलो कार्यक्रम तिब्र
धनकुटा । आगामी मंशिर ४ का लागि तोकिएका प्रतिनिधि सभा र प्रदेश सभा सदस्य निर्वाचन नजिकिदै गर्दा उम्मेद्धारहरुले घरदैलो कार्यक्रमलाई निरन्तरता दिएका छन् ।
यसैक्रममा आज गठबन्धन दलमा सम्वद्ध उम्मेद्धारहरुले धनकुटाको पाख्रीवास नगरपालिका वडा नं ६ र ७ को विभिन्न स्थानमा पुगी जनता सँग भेटघाट गरेका छन् ।
गठबन्धन दलबाट प्रतिनिधि सभा सदस्यका प्रत्यक्ष तर्फका उम्मेद्धार नेपाली कांग्रेस केन्द्रिय कार्य सम्पादन समितिका सदस्य सुनिल वहादुर थापा, समानुपातिक तर्फका उम्मेदवार मनोहर नारायण श्रेष्ठ, नेकपा एस प्रतिनिधि सभा सदस्यका समानुपातिक तर्फका उम्मेद्धार वंगलादेवी राई, प्रदेश सभा ख की उम्मेदवार नेकपा माओवादीकी नेतृ कुशुम श्रेष्ठ, नेपाली कांग्रेसका प्रदेस सभाका समानुपातिक उम्मेदवार सुमना तिम्सिना लगायतका नेताहरुले पाख्रीवासको तिल्के, फलाटे,थाक्ले र कसेनीका जनताको घरदैलोमा पुगी जिल्लाको विकास र समृद्धीका लागि गठबन्धन दलमा सम्वद्ध उम्मेद्धारलाई मत दिएर विजयी गराउन अनुरोध गरेको निर्वाचन परिचालन समितिले जनाएको छ ।
