ढुम्रेसान्नेमा बेमौसमी स्कुस खेतीको शुरुवात
धनकुटा खबर संवाददाता । धनकुटा नगरपालिका वडा नम्बर १० स्थित ढु्म्रेसान्नेमा बेमौसमी स्कुस हजारे जातको खेती प्रबिधि सम्बन्धी तालिम तथा बीउ हस्तन्तरण कार्यक्रमलाई एक समारोहका बीच त्यहाँका निर्वाचित वडा अध्यनगेन्द्र पाण्डेले उद्घाटन गर्नुभयो ।
कार्यक्रममा निर्वाचित वडा सदस्यहरु चन्द्रमाया नेपाली, बिमला राई, सुरेश कुमार श्रेष्ठ र राजेन्द्र राई तथा वडाका कर्मचारीहरुको पनि उपस्थिति थियो । कार्यक्रम वडा कार्यालय १० को आयोजनामा तालिमको प्रशिक्षण तथा सहजीकरण तेखिमे कृषि परामर्श सेवा फर्मका संचालक एवं कृषि पर्यटन अभियन्ता जीवनप्रसाद राईले गरेका थिए ।
धनकुटा नगरपालिकाको ढुम्रेसान्ने समुद्र सतह देखि १० देखि १४ सय मिटर सम्मको उचाईमा रहेकोले यो क्षेत्र बेमौसमी स्कुस हजारेको लागि ज्यादै उपयोगी र प्रभावकारी रहेको प्रशिक्षक राई बताउनु भयो । वडा कार्यालयले स्कुसबाट उत्पादनका लागि कार्यक्रम शुरुवात गरेकोले यसमा सबै दाजुभाई दिदीबहिनीहरु स्कुस उत्पादनमा संलग्न रहनका लागि अपिल समेत वडाअध्यक्ष पाण्डेले गर्नुभएको थियो ।
यस कार्यक्रमलाई प्रभावकारी बनाउनका लागि वडाबासीहरुको ठुलो योगदान रहने र यस कार्यक्रमलाई आगामी दिनमा झनै सशक्त बनाउदै लैजाने वडा अध्यक्षले बताउनु भयो ।
