पाख्रीबास नगरमा विपद ब्यवस्थापन लगायत एम्बुलेन्स सेवा संचालनमा समेत कठिनाई
धनकुटा । धनकुटाको पाख्रीबास नगरपालिकामा अत्यावश्यक कार्य संचालनमा अवरोध आएको छ ।
पालिकाका प्रमुख प्रशासकिय अधिकृत केही समय अगाडि देखि घरायसी कामकाजको सिलसिलामा घरबिदामा रहेको र आर्थिक कारोबार बन्द रहेकोले विभिन्न कामहरुको भुक्तानी प्रकृया बन्द रहेकोले नगरको सेवाहरु प्रभावित भएका हुन् ।
जसमा नगरबाट प्रवाहित हुने सेवाहरु विपद व्यवस्थापन,डोजर संचालन र एम्बुलेन्स संचालन लगायतका कार्यहरु प्रभावित भएका हुन् ।
नगर प्रमुख ज्ञान बहादुर गुरुंगद्वारा हस्ताक्षरित र नपाको आधिकारिक फेसबुक पेजमा उपलब्ध सुचना अनुसार उक्त सेवाहरु अर्को व्यवस्था नभएसम्म संचालन गर्न कठिनाइ रहेकोले यसबाट सम्बन्धित सेवाग्राहीमा पर्न गएको असुविधा प्रति नपा परिवार क्षमाप्रार्थी रहेको व्यहोरा उल्लेख छ ।
