धनकुटामा पनि आज म्यादी प्रहरीलाई यसरी दिइयो विदाई
धनकुटा । धनकुटामा पनि म्यादी प्रहरीलाई आज विदाई गरिएको छ ।
म्यादी प्रहरी भर्ना छनौट, नियुक्ति तथा परिचालन सम्बन्धी मापदण्ड अनुसार नियुक्त भई जिल्ला प्रहरी कार्यालय धनकुटा तथा मातहत प्रहरी कार्यालयहरुमा कार्यरत रहि प्रतिनिधि र प्रदेश सभा सदस्य निर्वाचनका लागि जिल्लाका बिभिन्न मतदान स्थल, मोबायल तथा रिजर्भ डिउटीमा खटिएका उनिहरुलाई निर्वाचन सम्पन्न भएसँगै विदाई गरिएको हो ।
उनिहरुलाई दिइएको जिम्मेवारी उच्च मनोवलका साथ अनुशासित रत्रुटीरहित ढंगले निर्वाचन कार्य स्वच्छ, निष्पक्ष, भयरहित, शान्तिपूर्ण वातावरणमा सम्पन्न गराउन म्यादी प्रहरीहरुले अहम भुमिका निर्वाह गरेकोजनाईएको छ ।
उनिहरुलाई जिल्ला प्रहरी कार्यलय धनकुटाका प्रमुख प्रहरी उपरीक्षक लक्ष्मीराज अधिकारीले धन्यवाद सहित प्रमाणपत्र प्रदान गर्दै विदाई गर्नुभएको जिल्ला प्रहरी कार्यलय धनकुटाले जनाएको छ ।
निर्वाचनका लागि जिल्लाका बिभिन्न मतदान स्थलमा ९ सय ४० म्यादी प्रहरी परिचालन गरिएको थियो ।
